Агенцијата за млади и спорт продолжи да го реализира проектот за изградба на ново модерно игралиште во Лабуништа.
Минатата недела вработени во градежната фирма „Илинден“ извршија асфалтирање на игралиштето а во текот на вчерашниот ден беше донесена и поставена металната заштитна ограда.
Игралиштето ќе биде опремено со спортски реквизити и опрема за фудбал, кошарка, ракомет и други спортови, но и ќе биде соодветно осветлено за да може да се спротува и во вечерните часови.
Повеќенаменското игралиште во Лабуништа ќе биде ставено на располагање на сите граѓани за спортување, рекреирање и за натпреварување. Ќе може да се користи деноноќно и да биде место за собирање и дружење на младите и постарите генерации.
