Локално

Реката Црн Дрим отсекогаш била еден од најпрепознатливите симболи на Струга. Илјадници туристи секоја година доаѓаат токму поради уникатната можност да ја видат реката како извира од Охридското Езеро и минува низ срцето на градот. Но, денес сè почесто се поставува прашањето: дали Црн Дрим го има изгледот што му доликува на еден од најубавите природни симболи на Македонија?

Доволно е човек да прошета покрај кејот за да забележи дека нивото на водата во одредени периоди е значително намалено, а коритото на реката на повеќе места е обраснато со алги, тиња и водна вегетација. Наместо впечаток на уредена градска река, кај многумина се создава чувство на запоставеност.

Фото: Facebook / StrugaMKD

Проблемот не е само естетски. Неодржувањето на речното корито може да влијае врз протокот на водата, квалитетот на животната средина и туристичката слика на градот. Струга живее од туризмот, а Црн Дрим е една од нејзините најголеми природни разгледници.

Одговорноста не може да се бара само на едно место. За состојбата на реката потребна е координација помеѓу локалната самоуправа, јавните претпријатија, институциите задолжени за водостопанство и централната власт. Граѓаните имаат право да знаат кој е надлежен за редовното чистење на коритото, за отстранување на наносите и за одржување на водниот екосистем.

Што треба да се направи?

✅ Редовно чистење на коритото од алги, тиња и вегетација.

✅ Изработка на долгорочна програма за одржување на Црн Дрим.

✅ Поголема контрола на евентуалните загадувачи.

✅ Уредување на кејот и дополнително хортикултурно разубавување.

✅ Јавна транспарентност за тоа кои институции се задолжени и колку средства се вложуваат во одржувањето.

Црн Дрим не е само река. Тој е заштитен знак на Струга, дел од идентитетот на градот и една од најголемите туристички вредности на Македонија. Затоа грижата за него не треба да биде прашање на политика, туку обврска кон граѓаните и идните генерации.

Црн Дрим е симбол на Струга, но дали денес изгледа како што заслужува?

Обраснато корито, намален проток и недоволно одржување оставаат впечаток на негрижа кон една од најубавите реки во Македонија.

❓Кој е одговорен за одржувањето?
❓Што се презема за подобрување на состојбата?

Време е институциите да дадат конкретни одговори, а Црн Дрим повторно да стане гордост на Струга.

#ЦрнДрим #Струга #НашеРадио #Македонија #ЖивотнаСредина

Струга со децении го губи својот автентичен лик пред очите на јавноста. Старите куќи, културно-историските објекти и спомениците кои сведочат за богатата историја на градот полека исчезнуваат, оставајќи зад себе празнина која не може да се надомести со бетон и нови згради.

Наместо заштита и грижа, сведоци сме на уривање на објекти кои претставуваат душа и идентитет на Струга. Последен пример е куќата на стружанецот Денко Малески – објект кој не беше само дом, туку дел од колективната меморија на градот. Во исто време, Турскиот амам со години пропаѓа пред очите на институциите, заборавен и оставен на забот на времето.

Турски Амам / Фото: Ohridnews

Ова не е прашање само на еден народ, вера или заедница. Културното наследство на Струга им припаѓа на сите – Македонци, Албанци, Турци, Торбеши и сите граѓани кои низ вековите го граделе духот на овој град. Секој уништен објект претставува загуба за целата Струга и за идните генерации.

Куќата на Денко Малески / Фото: Meta.mk

За жал, негрижата на претходните градоначалници и институции придонесе градот постепено да ја губи својата препознатлива слика и туристичка вредност. Наместо зачувување на старото градско јадро и историските знаменитости, се дозволи нивно исчезнување и заменување со безлични модерни објекти.

Турски Амам / Фото:ММС.мк

Затоа денес апелот е јасен и до актуелниот градоначалник Менди Ќира – да не се дозволи и за борави

понатамошно уништување на културното наследство на Струга. Потребна е итна стратегија за заштита, реставрација и зачувување на сите културно-историски објекти, без разлика на нивната етничка или верска припадност.

Бидејќи град без историја, без стари куќи, без споменици и без културна меморија – полека престанува да биде град со душа.

Објавен конкурсот за учество на фестивалот на детски песни “Радика Фест” 2026, кој оваа година по 17-ти пат ќе се одржи во Дебар на крајот на Мај 2026 година.

-Песните треба да бидат необјавени, а текстовите треба да бидат со тематика од детското секојдневие.

-Материјалот се доставува на ЦД или УСБ (финална снимка), или на e-mail: radikafest@hotmail.com

-Возраста на изведувачите е од 7 до 15 години,

– Конкурсот трае заклучно со 15 април 2026.

-Сите учесници на детскиот музички фестивал “Радика Фест” 2026 предходно треба да се пријават на аудиција за да учествуваат на фестивалот.

Зинче Мимидиноски како директор на овој фестивал информира дека овој фестивал како проект од национален интерес е поддржан од Министерство за култура и туризам, општина Дебар, Центар Жупа, Маврово-Ростуше при што очекуваме дека финансиска поддршка и од други спонзори и донатори.

Фестивалот, кој е еден од најзначајните културни настани, своето прво издание го имаше во далечната 2010 година, со залагање на големиот ентузијазам на младиот дебарски музичар Јасмин Мимидиноски потпомогнат од познатиот дебарски композитор Зинче Мимидиноски.

Во изминатите 16 години, во продукција на фестивалот поминале над 220 авторски композиции и со над 250 учесници од Дебар и дебарско, Маврово и Ростуше, Центар Жупа, Струга и струшко, Охрид како и од други градови од републикава.

Поради екстремното заматување и загадување на водата за пиење во Струга, Основното јавно обвинителство Струга отвори предмет за утврдување на причините и можните кривични дела против животната средина.Следува обемна истрага во која се вклучени повеќе инспекциски и безбедносни служби.

Истрага кај изворот Шум – главен извор на водоснабдување

„Во координација со МВР – ОВР Струга издадена е наредба правосудната полиција да изврши увид во селото Шум, каде се наоѓаат изворите што го снабдуваат Струга со вода. На увидот ќе присуствуваат инспекторите од животна средина, Агенцијата за храна и ветеринарство и Центарот за јавно здравје“, соопшти Јавното обвинителство.

Институциите ќе спроведат дополнителни теренски проверки и земање примероци за лабораториска анализа.

Кризата трае веќе една недела. Од чешмите тече темнокафеава вода со заматеност која, според анализите, е 30 пати над дозволеното ниво. Водата е прогласена за технички неисправна и забранета за употреба – за пиење, готвење и лична хигиена.

Оставка на директорот на Водовод: „Ова е еколошка катастрофа“

Директорот на ЈП „Водовод и Канализација“ Струга, Меџијаит Јусуфоски, поднесе оставка поради ескалацијата на кризата.
„Ова е огромна еколошка катастрофа. Во 43 години работа не сум видел вакво заматување. Ги информирав сите институции, но моите надлежности се ограничени. Поради тоа поднесувам оставка“, изјави Јусуфоски.

Тој побара итно утврдување на причините за загадувањето и преземање итни мерки за заштита на здравјето на граѓаните.

dw.de

Дека нашата си држава одамна не функционира како што треба, тоа повеќе и од јасно ние.

Ама ајде да почнеме по ред..

Иако се одбидовме барем малку да подзаборавиме на сите оние глупости кои што се случуваат во нашата си жална македонија, никако да најдеме мир и овде во Словенија.

Имено веќе во повеќе наврати се испраќаат писма и пишуваат или изнудат казни на сопственици кои вооппшто не поседуваат автомобил за кој се теретат.

Ваквиот случај на админот на Дубаи портал, веќе му се случува по втор пат да му биде испраќано покана па и опемана пред тужба за некаква си казна за некаков си паркинг (погрешно паркирање), и тоа се преубава насликана фотографија.

Доколку постои, постои имењак ( лице со исто име и презиме) оние барем неспособните од МВР можат барем да ја проверат адресата и каде треба да се испрати горе наведеното известување, се разбира може да има лице со исто име и презиме, ама ретка е случајноста да бидат во иста населба, ама за овие од МВР ништо и не е чудно, како ниту за неспособните кои се дрзнуваат да испраќаат известувања.

Нашате цел со овој пост е да се укаже на две работи:

1. На неспосбноста на институциите ( се однесува на институциите во Општина Струга), тргнувајќи од надолу па до нагоре.
2. И второ она најважното, да се помогнеме лицето кое е сопственик на повој автомобил да се дознае пред да му биде испратена и покана за на суд, како и да му се изрече некоја многу повисока казна).

Јас лично и не се плашам од било каква казна или случно, туку од глупоста која може понатаму да се случи, како за мене така и за вистинскиот сопственик…хахахахах

И за крај господа од Паркинг институцијата  ЈП ЕКО Струга – на Општина Струга , па и Вие од МВР можеби и до некаде не сте и виновни, бидејќи толку Господ или пак партијата ви дала мозок, па не знаете што и како треба да си ја извршувате работата. ама нејсе во нашата си жална Македонија се е можно, а и како што изгледа и така ќе си тера.. дај Господе да грешам.

Ова ни се случува во повеќе наврати, па ништо чудно да бидеме обвинети и за некаков тероризам доколку се злоупотребат ваквите дејанија…хехехехех а кои произлегуваат како резултат од нечија неспособност..

Админ на ДУбаи Портал / Исо Демишоски ( со цело име и презиме и од Подгорци, ама не сопственик на овој автомобил хехехехехех)

По повод најавата за настанот „Нели си се наспало“ во Струга

Со жалење ја следиме најавата за културниот настан „Нели си се наспало“, во чие претставување е користен терминот „македонци – муслимани“ за опис на традицијата на населението од Струшки Дримкол.

Сметаме дека ваквиот израз е неточен, застарен и културно навредлив, бидејќи не ја одразува вистинската етничка припадност на луѓето кои потекнуваат од овој регион.
На последниот државен попис, жителите на овој крај се изјаснија како Торбеши, што претставува нивно историско и културно име, длабоко вкоренето во традицијата, јазикот и идентитетот.

Користењето на изрази кои не соодветствуваат на современата реалност создава забуни, историски неточности и непочитување на етничкиот идентитет на луѓето кои векови ја градат културната разновидност на Македонија.

Го повикуваме организаторот и Министерството за култура, кое го поддржува проектот, во иднина да внимаваат на точната етничка терминологија и да покажат респект кон сите заедници во нашата држава.

Традицијата на Торбешите е богат дел од македонското културно наследство — но таа треба да се прикажува автентично, со вистинското име и достоинство што го заслужува.
БАРАМЕ ИТНО ЗАПИРАЊЕ И НЕОДРЖУВАЊЕ НА НАСТАНОТ ПОД ОВА ИМЕ,
сè додека не се изврши корекција во насловот и описот, со почитување на вистинскиот етнички идентитет на луѓето од Струшки Дримкол.

Го повикуваме Министерството за култура и Куд Илинден од Струга, веднаш да преземат мерки, да ја исправат оваа грешка и да овозможат културните настани да се одржуваат со почит кон историската и етничката вистина.

Традицијата на Торбешите е вредност што треба да се негува, но автентично, со вистинското име и достоинство што го заслужува.

Извор: Фацебоок/Здружение на Обединети Торбеши

Во близина на село Октиси, на место викано Октишка Краста, е избувнат пожар од поголеми размери кој претставува потенцијална закана за имотот на населението. На терен се присутни екипите на ТППЕ Струга и дел од месното население, но според проценката на командирот на ТППЕ Струга, пожарот се простира на специфичен и непристапен релјеф, што го оневозможува гаснењето од копно. Поради тоа, итно е потребно ангажирање на воздухоплови.

По барање на градоначалникот на Струга е испратено официјално барање за ангажирање на воздухоплов. Авион на Дирекцијата за заштита и спасување – Air Tractor е веќе на пат кон локацијата за гаснење на пожарот.

Болницата за нефрологија од Струга која минатата година ја закоружи со извршени преку 16 илјади хемодијализи ги подобрува условите за пациентите.Но како и многу други здравствени установи во државава се соочува со дефицит на кадар.

Според менаџментот на болницата недостигаат лекари, медицински сестри болничари и хигиеничари.

Неодамна во болницата се извршија неколку градежни зафати преку проект на Министерството за локална самоуправа во соработка со Швајцарската влада во висина од 26 милиони денари. Освен подобри услови за граѓаните и персоналот,надлежните очекуваат развој и на здравствениот туризам после вложувањата и во вториот објект на болницата попозна како  Холидеј дијализа лоциран на брегот на езерото.

Инаку зградата на Струшка дијализа е изградена во 1984 година, а изминативе 40 години реконструиран е само покривот.Од основањето до денес се направени преку милион хемодијализи. Овде се лекуваат и македонските државјани но доаѓаат и пациенти од соседните земји.

Извор:24vesti