Државните институции без доволно вработени за справување со информатички безбедносни инциденти, а само една институција има сертификат за информациска безбедност, откри Ревизијата. Министерот Андоновски најавува воспоставување на минимум стандарди за сајбер безбедност во институциите.
Обвинителството е на потег по објавувањето на ревизорскиот извештај во кој се констатира дека 70 отсто од институциите практично немаат заштита од хакерски напади, вели новиот министер за дигитална трансформација Стефан Андоновски.
Државниот завод за ревизија алармираше дека сајбер безбедноста на државните институции и органи е на ниско ниво. Тоа го утврдила нивната ревизија во 2023 година, испитувајќи ја ефективноста на преземените мерки на надлежните органи за заштита на критичните информациски системи.
Иако за нивна информациска безбедност, Северна Македонија во период од четири години (2020-2023) потрошила над 6,1 милион евра, не вклучувајќи ги инвестициите спроведени преку меѓународни проекти и грантови од институциите.
Ревизијата на ДЗР покажува дека во 20023 сите институции склучиле вкупно 69.504 договори за јавни набавки во вредност од три милијади евра, од кои само за тендери за информациска безбедност се склучени 283 договори со 61 компанија во вредност од 6,130,081 евро во 2023 година.
Повеќе на РСЕ
