Претседателот на бугарското Собранието се надева дека разумот и политичката волја ќе надвладеат и Северна Македонија ќе почне преговори со ЕУ. А за да се случи тоа земјата треба да ги усвои уставните измени и да се спротивстави на говорот на омраза, вели Росен Жељасков. Неговиот колега, Талат Џафери вели дека од членството на Скопје во ЕУ и Софија ќе има бенефит
Повеќе соработка, помалку говор на омраза, усвојување на уставните измени и Северна Македонија ќе може да почне преговори со Европската унија, порача претседателот на Бугарското Собрание, Росен Жељасков при посетата на Скопје.
Тој положи цвеќе на гробот на Гоце Делчев, народен херој што двете држави си го сметаат за свој. Го посети и бугарскиот Културен центар во центарот на Скопје. Овие два настани беа проследени само од будното око на бугарските медиуми, не и на македонските, оти не беа информирани за планот на посетата. За тоа дека некој висок гостин е во посета на земјата, можеше да се види од силното полициско присуство и блокираните улици. Македонските медиуми добија приостап до гостите од Бугарија на средбата на Жељасков и неговиот македонски колега, претседателот на Собранието, Талат Џафери, а потоа и за време на посетата на Археолошкиот музеј во центарот на главниот град.
Двајцата собраниски спикери се среќаваат по трет пат и средбата ја опишаа како пријателска.
Повеќе на РСЕ
