Владата бара кризна состојба за струјата и парното од 7 месеци, за што мора да добие одобрување од пратениците. Собраниската седница за ова прашање, според Претседателот на Парламентот Талат Џафери, ќе се случи утре. Во кризни состојби, може да има рестрикции, а Владата сама смее да носи одлуки и користи државни, но и приватни ресурси за надминување на проблемите.
Прогласување нова кризна состојба од 7 месеци за струјата во целата држава и парното во Скопје бара владата од пратениците. Законски, Владата ваква состојба може да донесе на само 30 дена, а тоа веќе го стори на 1 септември. Сега за да ја продолжи, мора да добие согласност и во Собранието.
Но што всушност значи кризна состојба за граѓаните и за државата?
Во Законот за управување со кризи, стои „кризна состојба е состојба предизвикана од ризици и опасности кои можат да ги загрозат добрата, здравјето и животот на луѓето и животните и безбедноста на Републиката, за чија превенција и/или справување е потребна употреба на поголем обем на ресурси“.
Или, поедноставено, граѓаните и државата перидов се загрозени од недостигот на струја на европскиот пазар, нејзината превисока цена на берзите и недоволното домашно производство.
Повеќе на:РСЕ
