За незаконскиот избор на ВД директор на ОУ Гоце Делчев – Подгорци.

Сметајќи дека на некој начин треба да се намалат тензиите од психолошки аспект кај жителите на населба Подгорци, ние како администрација на Овој Информативен портал, решивме од одредени надлежни институции да добиеме релевантни информации околу последниот настан во нашава населба, кој се однесува на промената на досегашниот директор Фадил Исламоски , а кој мандатот на директор му трае уште околу 2 години кога по законски пат треба да се одбере нов и заменет со нов ВД Директор г-дин Бранислав Плушкоски.

Овие тензии не скриено се почувствуваат особено денес после завршување на Џума намаз, каде што голем број на жители на оваа населба беа револтирани од ваквата постапка за промена на досегашниот директор, подтикната од градоначалникот на Општина Струга и Државниот Инспекторат за Образование.

Како и да е да одиме по ред.

Синоќа на Тв Спектра излегоа информации за тоа дека е сменет директорот на оваа училиште, по социјалните мрежи насекаде нашите пријатели наставници, директорот и дел од вработените во оваа установа, ги негираа тие информации дека има такво нешто.

По се изгледа информациите на Тв Спектра испаднаа точни, според нив биле известени од страна на одредено лице од населба Подгорци за оваа активност.

Веќе денес утринава вистината излезе на виделина и тоа дека навистина за нов директор е поставен г-дин Бранислав Плушкоски, а разрешен е г-дин Фадил Исламоски.

Од тука произлегоа некои не логични детали односно се поставуваат следниве прашања.

1. Зарем, претходно директорот на оваа училиште не требаше да биде информиран, како и училишниот одбор, и советот на родители?

2.Дали оваа информација требаше да биде доставена до директорот како прво, а не преку некои лица (доушници) и оваа информација да се протурка низ медиуми и да се направи конфузија меѓу народот?

3.Како најглавно, зошто оваа информација од надлежните лица е криена до последниот момент?

И, се разбира од тука можат да произлезат уште многу, ама што е најважно да се задржиме на новиот директор, каде што и всушност започнува и незаконитоста.

Да одиме по ред:

1. 2002 година граѓаните на оваа населба ја бојкотираа наставата на оваа училиште, токму поради  незадоволни од работата на сега веќе избраниот г-дин Бранислав Плушкоски,кој тогаш ја извршуваше оваа функција, како и состојбата на училишниот (руиниран) објект.

2.Г-динот Бранислав плушкоски има Вишо образование и во никој случај според законот за високо образование не смее да биде директор, односно ова е првиот услов за вработување како директор на училишна установа.

Цитираме:

Член 128 – Закон за високо образование. Подточка – (3)

Што не се софпаѓа овде:

1. Прво новиот Вд директор нема високо образование. (Значи тоа е првиот услов без кој не смееш ни на оглас да се пријавиш)

2.Немање на положен испи за директор, ( а неможе да има, затоа што има моментално вишо образобание)

3. Згора на тоа сегашниот ВД Директор, во месец март 2014 година заминува во пензија.

Се надеваме дека во оваа наша држава постои закон и се разбира меѓу нив и законот за високо образование, кој треба да се почитува.

Меѓутоа кога добро ќе се размисли, се наметнува уште едно прашање: Дали г-динот гранонач. знаел за оваа пред да ја донесе оваа Одлука???? или пак државниот просветен инспекторат-Струга ?????

Тогаш каде се крие и кој ја започнал незаконитоста? Од училишниот одбор  не известија дека веќе доставиле еден вид известување до државниот просветен инспекторат и Министерот за Образование на Р.Македонија. Според нив им било одговорено дека во понеделник сите ќе имаат заедничка средба околу овој ново настанат проблем.

Како и да е се надеваме дека на оваа средба ќе присуствува представник на општина струга, по можност новиот град г-динот Зијадин Села, и да им објасни  по можност и на заедничка средба со представници на Училишниот одбор, и Советот на родители, за што всушност станува збор и со штоо би се намалиле овие тензии меѓу жителите на населба подгорци,  особено младината по интернет социјалните мрежи ,затоа што токму овие луѓе го сакаа и гласаа за овој градоначалник, и се надеваме дека ќе не удостои со негово присуство, и да покаже дека навистина не сме погрешиле што на локалните избори токму сме го избрале  и гласале за него.

Притоа се надеваме дека наскоро г-динот Зијадин Села ќе не повика и нас на средба со што би ја разрешиле оваа дилема.

Жители на населба Подгорци.