Предвремени избори 2020

Алијанса за Албанците поднела околу 150 приговори до ДИК за неправилности на денот на гласањето но сите беа експресно одбиени, вели Арбен Таравари.„ “

Вели дека Алијансата има имиња на конкретни луѓе кои во моментов не се во земјата но и имиња на луѓе кои починале а гласале на изборите.

Нека изберат едно изборно место во Зајас, нека изберат ДИК, ДУИ или било кој и нека ја отворат кутијата. Ако се сите луѓе присутни од тие што гласале, а тоа може да се види и преку граничната служба, дали тие луѓе влегле и гласале. Доколку само од едно избирачко место се констатира дека сите тие што гласале се тука, тогаш ние за 5 минути ќе излеземе и ќе го прифатиме изборниот резултат и ќе им понудиме на ДУИ нашите 12 пратеници од коалицијата Алијанса/Алтернатива да им стојат на располагање цел мандат од 4 години, вели Таравари.

[embedyt] https://www.youtube.com/watch?v=UzSQT0uk2vM[/embedyt]

Telma

Државната изборна комисија, вчера ги отфрли сите приговори поднесени од партиите во врска со изборите кои се одржаа во средата.

Најпрво ДИК ги отфрли приговорите од Левица, сметајќи дека немаат потпис, а потоа и сите останати беа одбиени поради разни причини.

Затоа дел од партиите најавија дека ќе поднесат кривични пријави против ДИК. Први тоа го најавија од Левица, а утрово и од коалицијата „Никогаш Северна, само Македонија“.

Државната изборна комисија (ДИК) на денешната седница ги отфрли сите 2.142 приговори поднесени од партиите за предвремените парламентарни избори.

За 1.478 приговори од вкупно 1.982 поднесени од Левица, членовите на Комисијата утврдија дека тие немале потпис од овластениот претставник и немаат печат од подносителот на листата, додека за другите 504 потенцираа дека не се поткрепени со докази и текстот во образложението е ист за сите овие приговори. За приговорите на АА и на Алтернативата исто така беше оценето дека не се поткрепени со докази, како и на Демократи, на СДУ, на Интегра, МОРО Работничка партија и на ВМРО-ДПМНЕ. Дел од партиите чии приговори беа отфрлени бараа увид во избирачкиот материјал, како и на неважечките ливчиња, но тие не беа поткрепени со докази.

Партиите имаат право за овие одлуки на ДИК да се жалат до Управниот суд.

До Државната изборна комисија (ДИК), до синоќа во 19:30 часот кога истече рокот, се поднесени вкупно 2.141 приговор за сумирање и утврдување на резултатите од гласањето на изборите. Рокот за произнесување по нив е 72 часа, па очекувањата се дека ДИК ќе закаже седница за денеска или најдоцна утре (понеделеник) на која јавно ќе ги разгледа и ќе одлучува по приговорите.

Најголем број на приговори, дури 1.982, поднеле од Левица, а Алијансата за Албанците која на изборите настапи во коалиција со Алтернатива вчера и завчера поднесе вкупно 151 приговори, два достави и ВМРО-ДПМНЕ кои се однесуваат на сумирање на резултатите од гласањето. СДСМ, како што најави, не поднесе приговори за овие избори. До ДИК е поднесено и едно барање за увид во неважечките ливчиња од гласањето. Прексиноќа во 21 часот, пак, заврши рокот за поднесување приговори за постапката за гласање.

Роковите за приговори почнаа да течат по објавата на неофицијалните конечни резултати од ДИК во четвртокот попладне.

Државната изборна комисија во меѓувреме објави соопштение на својата интернет страница со кое ги корегираше резултатите од предвремените парламентарни избори на 15 јули. Како што се наведува во објавениот Заклучок за исправка на технички грешки, вкупниот број на избирачи кои гласале изнесува 943.750, што е за 1.416 повеќе од првично објавената бројка, а вкупниот број на неважечки гласачки ливчиња изнесува 31.564 или за 98 повеќе.

Од ВМРО-ДПМНЕ оценуваат дека изборниот процес бил нарушен и обвинуваат за, како што велат, најголемиот и најмасовниот поткуп и фалсификат на изборната волја и побараа рачно пребројување на гласачките ливчиња.

„Државната изборна комисија има обврска да ги испита сите сомнежи за неправилности и фалсификати, вклучително и рачно пребројување на гласачките ливчиња, затоа што не смее да има црна дамка на процесот при ваков масовен поткуп и фалсификат. Имаме огромен број на неважечки ливчиња, над 30.000 несвојствени за ваква излезност на еден изборен процес. Да потсетам уште еднаш, дека функционери на СДСМ и нивни експоненти јавно водеа кампања да се шкртаат ливчиња, претставувајќи го како повик на ВМРО-ДПМНЕ, што е кривично дело во изборен процес. Потребно е да се заштити волјата на граѓаните и да се тргне дамката од изборниот процес“, рече на прес-конференција партискиот портпарол Димче Арсовски.

Од СДСМ, пак, посочуваат дека на слободни, фер и демократски избори победи нивниот концепт и коалицијата „Можеме“ и му порачаа на ВМРО-ДПМНЕ и на Мцкоски причините за поразот да ги бараат кај нив, наместо да бараат алиби. Воедно го повикаа претседателот на ДИК, Оливер Деркоски, да даде одговори пред јавноста за случувањата на денот на изборите и објавувањето на резултатите

„На изборите на 15 јули во фер, слободна, демократска и безбедна атмосфера, граѓаните масовно го поддржаа концептот на СДСМ и коалицијата „Можеме“. Победи концептот за напредок, концепт што носи кон ЕУ и НАТО, концептот кој враќа назад е поразен, поразени сите се анти НАТО и анти ЕУ политики на ВМРО-ДПМНЕ и Мицкоски. Оливер Деркоски, претседателот на ДИК, од редовите на ВМРО-ДПМНЕ должи одговори пред јавноста за случувањата на денот на изборите и објавувањето на резултатите. Иднината е обезбедена, државата продолжува на вистинскиот пат, уште подобро и уште повеќе“, стои во реакцијата на СДСМ.

NovaTV

„Џабе ни се лижете, сите ќе ве стрелам“, напиша на Фејсбук, Апасиев.

Изгледа дека оваа фејсбук објава му предизвика проблеми на претседателот на Левица, Димитар Апасиев.

Кога ТВ21 го праша кого ќе стрела, Апасиев не даде јасен одговор, но сега поради неговите фејсбук објави ќе треба точно да одговори пред Обвинителството.

До Државната изборна комисија вечерва до 19:30 часот кога истекува рокот поднесени се вкупно 2.141 пригобори за сумирање и утврдување на резултатите од гласањето на изборите.

Попладнево пред истекот на рокот  1982 приговори поднеле од Левица, а порано денеска Алијансата за Албанците која на изборите настапува во коалиција со Алтернатива поднела 77 приговори. Претходно до синоќа беа поднесени 82 приговара, од кои најголем број – 74, се исто така од Алијанса за Албанците, но има и два од ВМРО-ДПМНЕ кои се однесуваат на сумирањето на резултатите од гласањето. СДСМ, како што најави, нема поднесено приговори за овие избори.

Синоќа во 21 часот, пак, заврши рокот за поднесување приговори за постапката за гласање.

На денешната прес конференција Димче Арсовски, портпарол на ВМРО-ДПМНЕ, истакна дека бараат од ДИК рачно да ги преброи гласовите.

Социјадемократскиот сојуз без приговори, а ВМРО-ДПМНЕ своите сомнежи за резултатите од предвремените парламентарни избори ги сублимирала во два приговора до Државната изборна комисија.

Од опозициската партија, која според првичните официјални резултати има осовоено 44 пратеници, за Телма велат дека нема да поднесуваат поединечни приговори за резултатите по избирачки места.

Нивната намера е со приговорите со барање за рачно пребројување на гласовите и за преиспитување на големиот број на неважечки ливчиња, да го опфатат целиот изборен резултат.

Од ВМРО-ДПМНЕ во моментов не можат прецизно да кажат колкав број на гласови сметаат дека им се одземени, но велат, најбитно за нив е да се потврди волјата на граѓаните онака како што гласале.

Од СДСМ која освои 46 пратеници пак за Телма информираат дека нема да поднесат приговори на резултатите.

Тие претходно најавуваа приговор за ИЕ 3 каде од ремито со ВМРО-ДПМНЕ им го расипа Левица која таму им одзеде едно пратеничко место на социјалдемократите и ги остави со 9 пратеници.

СДСМ најавуваа приговори до ДИК само доколку прегласувањето на тоа гласачко место го менува резултатот.

Алијанса за Албанците која освои 12 пратеници до денеска има поднеено 74 приговори, најмногу за изборните единици 5 и 6, но не и за ИЕ1 и ИЕ 2.

Тие обвинуваат за невиден изборен грабеж во албанскиот политички блок.

Таравари за Телма вели дека во Алијанса се размислува веќе и за план доколку не бидат прифатени нивните приговори од страна на ДИК и вели дека такво нешто нема да може тивко да помине.

Од Алијанса информираат дека веќе разговарале со одредени амбасадори во земјава токму за изборните резултати.

Додека поголемите партии ќе ги ревидираат изборните резултати, некои преку два приговора, некои со неколку десетици, „Левица“ која првпат влегува во Собранието со два пратеника најави дека до ДИК ќе поднесат 425 приговори за изборните резултати.

Од Државната изборна комисија за Телма информираат дека до овој момент до нив не се стигнати приговорите на „Левица“, а веќе ги добиле двата приговорите од ВМРО-ДПМНЕ, 74 од Алијанса за Албанците, како и два приговори од „Демократи“ и по еден од Работничка партија, Интегра, СДУ и коалицијата на Јанко Бачев.

Telma

„Имајќи го предвид изминатиот период исполнет со корона-криза и предизборни кампањи, СДСМ се залага во деновите до и околу Илинден граѓаните да може да здивнат од политичките активности на партиите. По Илинден, согласно законските рокови, влегуваме во процес на дефинирање на владината коалиција водена од СДСМ. Законските рокови ќе бидат целосно запазени, државата ќе добие функционални и легитимни институции“, соопштуваат од партијата.

Вкупно 82 приговора се поднесени до 21 часот вечерва, информираат од Државната изборна комисија (ДИК).

Најголем број од приговорите, 74, се од Алијанса за Албанците, еден е од Глас за Македонија, додека два се од ВМРО-ДПМНЕ. ДИК не прецизира на што се однесуваат приговорите од Алијанса за Албанците, но оние од ВМРО-ДПМНЕ вели дека се за сумирање на резултатите.

Претходно, во текот на денот, до ДИК пристигнаа пет приговори и едно барање за увид во неважечките ливчиња од гласањето.

До 21 часот вечерва можеа да се поднесуваат приговори за постапката на гласање, додека за сумирањето и утврдувањето на резултатите приговори може да се доставуваат до утре, до 19 часот и 30 минути.

Роковите за приговори почнаа да течат синоќа, кога беа објавени неофицијалните конечни резултати.

По завршување на роковите за поднесување приговори, ДИК ќе закаже седница на која јавно ќе ги разгледа и ќе одлучува.