Додека траеше скромната церемонија на отворањето на бугарскиот клуб „Цар Борис Трети“ во Охрид, стотини граѓани протестираа. Спорно им е името на клубот и здружението на граѓани кое стои зад него. На отворањето на клубот присуствуваше амбасадорот на Бугарија во Македонија.
Со тензија, туркање, фрлање јајца и антифашистички пароли помина протестот против отворањето на бугарскиот клуб „Цар Борис Трети“ во Охрид.
Клубот беше отворен точно напладне, а половина час пред тоа на повик на партијата Левица, се собраа неколку стотини граѓани да протестираат против клубот со такво име.
На масовност на протестот претходно повика и лидерот на ВМРО-ДПМНЕ, Христијан Мицкоски.
Но на протестот не присуствуваа лидерите на Левица и на ВМРО-ДПМНЕ.
Неколку од граѓаните кои протестираа почнаа да се туркаат со полицискиот кордон распореден пред трговскиот во кој се наоѓа клубот, но потоа дел од учесниците и полицијата ја смирија работата.
Повеќе на РСЕ
