Идната година во Дубаи ќе започне изградбата на новиот футуристички проект – Градот на Аладин (Aladdin City), инспириран од приказните за Аладин и Синбад.
“Планираме да започнеме со изградба наредната година. Имаме сопствени фондови за финансирање на проектот”, изјави генералниот директор Хусеин Насер Лута за “Emirates247.com”.
Овој проект е направен уште во април 2014 година, кога беше кажано дека ќе има три кули, како и комерцијални и хотелски простори. Ќе се простира на 450 метри од копното, а вкупната цена на изградбата се уште не е позната.
“Целта на проектот е новите кули да бидат икони на минатото со доза на убавина и туристичка привлечност. Лоциран е надвор од зоната која би требало да биде регистрирана како заштитно подрачје”, објасни Лута.
Откриено е дека ќе има климатизирани мостови со подвижни катови кои ги поврзуваат кулите, пролазите и паркиралиштата. Покрај тоа, обликот на мостот ќе го имитира егзотичниот живот на морските суштества како змиите и змеевите.
Кулите ќе се простираат на 110.000 квадратни метри, а највисоката би требало да има 24 ката. Останатите би требало да имаат 26 и 25 катови. Паркиралиштето ќе може да прими 900 автомобили.
