Колекторскиот систем што треба да го штити Охридското Езеро од урбано загадување е во сериозно нефункционална состојба – не е впишан во Катастар, има дупнати и испукани цевки, претпријатието што управува со него има блокирана сметка и дури нема дозвола за собирање и пречистување на отпадни води, покажува најновата ревизија. Во извештајот ревизорите откриваат и големи неефикасности меѓу фактурираната и пречистената вода.
Иако изграден за време на поранешна Југославија и пуштен во употреба во 1988 година, колекторскиот систем во Охридското Езеро во моментов е дивоградба. Државните ревизори утврдиле дека инфраструктурните објекти на системот -цевковод, пумпни станици и пречистителна станица, се уште не се запишани во Катастарот на недвижности.
„Освен за земјиште од 812 метри квадратни (пумпна станица Подмоље), ЈП Колекторски систем – Скопје, не поседува имотни листови за инфраструктурни објекти – цевковод во должина од 40.9 километри, пумпни станици, пречистителна станица, како и земјиштето под нив“, се вели во извештајот.
„Ако нема технички прием и ако објектот не е заведен во Катастар, тогаш тој влегува во групата на дивоградиби. Тоа важи за сите објекти, и приватни и државни“, вели професор Горан Марковски од Градежниот факултет во Скопје.
Повеќе на RSE
