Моќта на градоначалниците е голема, но според законите, не може никој да бара од нив политичка одговорност и да ги разреши пред истек на мандатот. Направени се измени во Законот за локална самоуправа со кои треба да се дозволи отповикување градоначалник на референдум, но уште не се усвоени во Собранието. И ако се усвојат, ќе важат од следните локални избори.
Новите градоначалници избрани на локалните избори на 19 октомври и 2 ноември нема да може да бидат разрешени од функциите ако граѓаните не се задоволни од нивната работа.
Причината е што половина година во Собранието се заглавени измените во Законот за локална самоуправа со кои треба да се дозволи отповикување градоначалници на референдум.
Поради тоа, на сила остануваат досегашните одредби според кои на еден градоначалник може да му престане мандатот само во случај на смрт, оставка, ако биде осуден на повеќе од шест месеци затвор, ако му биде одземена деловната способност, ако има неспоивост на функции, ако шест месеци неоправдано не доаѓа на работа или ако се пресели од општината.
Повеќе на РСЕ
