Расте бројот на млади навлечени на „коцка“, алармираат психијатри. На терапија во Скопје доаѓаат и зависници од соседството. Здружението ХОПС анализираше какви навики за обложување имаат младите во Северна Македонија, Србија и Косово.
„Јас сум Трајче и сум компулсивен коцкар. Не верувам дека би раскажал за мојата зависност доколку некој ме замолеше да го направам тоа пред 15 месеци.“
Вака овој 35-годишен скопјанец со 12 годишен стаж во коцкање почна да ни раскажува за неговата зависност.
Одел по кладилници уште како дете, но играл за мали суми. Вели, никогаш не претпоставувал дека еден ден ќе стане коцкар. Со текот на времето растеле влоговите, но и долговите.
„Мислев дека добро ја кријам мојата зависност од фамилијата, пријателите, работното место. Гледав секогаш да бидам позитивен. Но, јас бев болен. Постојано размислував како да дојдам до пари“, вели Трајче.
Повеќе на РСЕ
