Новата власт, која најавува видливи резултати, економијата и животниот стандард на граѓаните ги стави меѓу приоритетите во својата програма. Оваа политичка гарнитура, аналитичарот Незири не верува дека ќе донесе спектакуларни резултати. Промените во општество, според него, може да се случат само преку процесот на преговори со ЕУ.
Со економијата во централното место во својата програма, новата Влада денеска (24 јуни) го има првиот работен ден. Талат Џафери му ја предаде функцијата на новиот премиер и лидер на ВМРО-ДПМНЕ Христијан Мицкоски чија Влада синоќа, пратениците во Собранието ја избраа со 77 гласа „за“.
Пред парламентот неговиот тим, во кој има 23 министри од кои пет се и вицепремиери, се обврза со програма испишана на 60-тина страници. Покрај ВМРО-ДПМНЕ дел од Владата се и коалицијата „Вреди“ (ВЛЕН) и политичката партија ЗНАМ.
„Централно место во нашата животна мисија е економското заживување на нашата земја. Ќе започнеме нов силен циклус на економски раст“, пишува уште во првите редови од владината програма.
Повеќе на РСЕ
