Во 11 часот започна собраниската седница за изборот на нова влада, а ќе продолжи на 22 јуни во недела. Мандатарот Христијан Мицкоски најави нови проекти за економско зајакнување на Северна Македонија. За СДСМ програмата на новата влада е далеку од ветувањата што ВМРО-ДПМНЕ ги дало во предизборието.
Седницата на Собранието за избор на новата влада заврши денеска попладне и ќе продолжи утре во недела на 22 јуни. Гласањето ќе следува по завршување на претресот, односно најдоцна до полноќ. Владата ќе биде избрана ако за неа гласаат мнозинството од вкупниот број пратеници.
„Оваа генерација нема опција за неуспех и ќе мора заедно да направиме големи чекори напред. Најавувам фуриозен почеток на проекти“, рече мандатарот Христијан Мицкоски на собраниската седница за избор на новата влада, образложувајќи ја предлог програмата.
Во излагањето на експозето, Мицкоски најави намалени даноци и зголемени пензии, влада на економски развој, раст од пет отсто на БДП и годишна инфлација од 2 – 2,5 отсто годишна инфлација. Од собраниската говорница, Мицкоски вети и намалување на невработеноста на 7% и зголемување на платите.
Повеќе на РСЕ
