Власта предлага забрана на привремени вработувања, а во исто време вработува во јавниот сектор токму на овој начин. Одложената примена на законот од 2025 е да помине и овој круг на избори, па да поминат и локалните избори. Тоа е голем ризик за политичка корупција, вели Нури Бајрами од Антикорупциска
Јавна тајна е кој се вработува преку Агенции за привремени вработувања, ни рече сопственик на една од тие агенции, коментирајќи ја намерата на власта со закон да ги запре вработувањата во јавниот сектор што се прават на овој начин.
Во јавен сектор спаѓаат вработени во образованието, здравството, администрацијата, локалната самоуправа, културата, судството и низа други институции.
„Преку нас ги вработуваат нивните, од штаб, од партија. Тие имаат веќе избрани луѓе, ние само треба да ги спроведеме процедурите за се да биде законски“, ни рече сопственик на Агенција за привремени вработувања во Скопје, кој сакаше да остане анонимен.
Според него, среќа е што и фабриките бараат вработени преку агенции, “па и да забранат привремени вработувања во администрација, ќе продолжиме да работиме со приватниот сектор“.
Повеќе на РСЕ
