За автопатите што ќе ги градат Бехтел и Енка, државата досега платила 189 милиони евра и до крајот на годинава ќе даде уште 56 милиони. За следната година се планирани нови 245 милиони евра. Компанијата Енка информира дека работите за топографско и геотехничко истражување се одвиваат со брзо темпо.
Државата досега издвоила 11,6 милијарди денари или околу 189 милиони евра за автопатите што ќе ги гради конзорциумот Бехтел и Енка. Договорот е склучен пред осум месеци, власта досега организираше три свечености за „прва лопата“ за градба, но засега нема поголеми градежни активности. Од градежната фирма „Енка“ наведуваат дека се прават истражувања, дел од делниците имаат одобрение за урбанистичи план, а за дел процедурата е во тек.
Договорот предвидува изградба на четири делници од Коридорите 8 и 10 Д, со вкупна должнина од 108 километри.
На Коридор 8 треба да се прошири автопатот на делницата Тетово -Гостивар и да се изгради нов автопат на делницата Требеништа – Струга – Ќафасан и на Гостивар-Букојчани. Коридорот 10 Д пак треба со автопат да ги поврзе Битола и Прилеп. На патот Тетово -Гостивар се уште не можат да се видат никакви градежни активности за негово проширување.
Повеќе на РСЕ
