Северна Македонија очекува да добие една од вкупно шест милијарди планирани за регионот. Но, дали Западен Балкан ќе ги види овие пари во реалноста ќе зависи од тоа колку државите ќе ги завршат домашните задачи за реформи, но и ќе соработуваат со соседите за создавање заеднички регионален пазар.
Шест милијарди евра за шесте земји од Западен Балкан, создавање единствен регионален пазар и пристап до пазарот на ЕУ, удвојување на економиите и намалување на социоекономскиот јаз помеѓу државите од регионот и членките на Унијата.
Ова се дел од целите на амбициозниот, но комплексен План за раст што на 8 ноември го презентираше Европската комисија (ЕК). Тој се однесува на периодот од 2024 до 2027 година, а Северна Македонија очекува од шесте, да ѝ бидат на располагање една милијарда евра.
Од вкупната сума за регионот, предвидено е две милијарди да бидат дадени како неповратни средства, а останатите четири како поволни заеми.
Меѓутоа, овие пари Брисел не ги нуди „на тацна“ туку тие се условени со реформи што земјите треба да ги спроведат. Кажано со други зборови – ако има реформи, ќе има и пари.
Повеќе на РСЕ
