Министерството за правда засега е без министер. Премиерот предложи реконструкција на Владата по што оставка поднесе досегашниот министер Никола Тупанчевски. Во Собранието се очекува изборот на министер од редовите на Алијанса за Албанците, Кренар Лога. Тој ќе биде 19-ти по ред министер за правда.
Министерството за правда е рекордер по сменети министри во изминативе 3 децении. Од независна Македонија до денеска на ова министерско столче седнаа 19 луѓе кои имаа задача да го реформираат правниот систем во земјава. Министри беа професори на Правен факултет, членови на МАНУ, судии и адвокати. Актуелниот 19- ти министер кој ќе седне на ова столче Кренар Лога, кој доаѓа од новиот владин коалиционен партнер Алијанса за Албанците, е магистер по дипломатија и дипломиран правник.
Во просек министрите за правда во овие 3 децении на функција се задржувале околу две години. Најдолго време поминато во министерството за правда забележува само поранешниот министер од ВМРО-ДПМНЕ Михајло Маневски чиј мандат изнесувал 5 години, додека најкраток мандат од една година имал Билен Саљији од ДУИ.
На предлози од редовите на владејачката СДСМ на министерското столче досега седнале 6 министри кои вкупно 10 години раководеле со министерството за правда , додека од владејачката ДУИ биле избрани 7 министри со времетраење од 9 години.
Повеќе на РСЕ
