Бугарскиот културно информативен центар од амбасадата на Бугарија се пресели во нови простории во строгиот центар на Скопје на улицата Никола Јонков Вапцаров.
Со мала свеченост и сечење на лента пред новото седиште на Центарот кој е под капата на бугарското Министерство за култура. Во Центарот е отворена и изложба која опфаќа слики од современи уметници од Македонија и Бугарија.
Бугарскиот културен центар во Скопје е основан во 2006 година по Договорот меѓу владите од април 2003 година, ист таков македонски културен центар со години работи во Софија. На отворањето присуствува беше и бугарскиот министер за култура Велислав Минеков, ресорно министерство во кое е и Бугарскиот КИЦ.
Целта на овие културно инфотмативни центри како и што ги има македонија надвор од државата сличен на овој е за ширење и промоција на културата, како и зближување со другите народи, а тоа е всушност една и од европските вредности смета министерката за култура на Македонија Костадиновска.
Пред отварањето и за време на настанот улицата Никола Јонков Вапцаров беше под силно полициско обезбедување, и полицајците наредени во кордон не пропуштаа никој да помине додека траеше отварањето.
Засиленото обезбедување е веројатно поради нападот врз бугарскиот клуб „Цар Борис Трети“ од пред два дена кога беше пукано со пиштол, а пред шест дена беше гаѓан со цврсти предмети при што му настрадаа излозите. Целиот настан за отварањето на новите простории на бугарски центар во Скопје помина без инциденти.
