Бензинот ЕУРОСУПЕР БС-95 и Екстра лесното масло за домаќинство (ЕЛ-1) од синоќа на полноќ поскапеа за денар по литар, бензинот ЕУРОСУПЕР БС-98 за 0,50 денари, а ЕУРОДИЗЕЛ (Д-Е V) за 2,50 денари по литар, одлучи вчера Регулаторната комисија за енергетика и водни услуги.
Новата цена на ЕУРОСУПЕР БС – 95 изнесува 110 денари за литар, а 112 денари на ЕУРОСУПЕР БС – 98. Литар ЕУРОДИЗЕЛ БС чини 102 денари, а Естра лесно 1 (ЕЛ-1) ќе се продава за 99,50 денари.
Ова се највисоките цени на горивата досега во Македонија, и сите цени се троцифрени.
Се зголеми и малопродажната цена на Мазутот М-1 НС, за 0,868 ден/кг и килограм се продава за 55,508 денари.
Малопродажните цени на нафтените деривати во просек се зголемени е за 1,30 проценти во однос на одлуката од 3-ти месецов.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 1,179 проценти, кај дизелот за 1,697 проценти, кај екстра лесното масло за 1,673 проценти и кај мазутот зголемувањето е за 0,482 проценти.
„Tv 21“
