Министерот за економија Крешник Бектеши апелира до граѓаните да не прават непотребни залихи од брашно и други производи бидејќи државата има доволни количини од овие прехранбени производи. Тој денеска посети мелница за брашно во тетовското село Порој и најави дека е можно наскоро да биде повлечена одлуката за забранет извоз на брашно и некои други земјоделски производи.
„Нема простор за паника дека ќе нема брашно. Сите потребни количини за домашна потрошувачка веќе ги имаме, а според податоците што ги добиваме од мелничарската индустрија, има простор и за извоз на брашно и други производи кои сега се на листата за забрана на извоз. Со Србија сме во постојан контакт и разговараме за дополнителни количини кои треба да се увезат во нашата држава, посебно пченица. Имајќи ги предвид залихите на производителите и државата, имаме доволно капацитети да ја покриеме не само дневната потрошувачка, туку и таа која во изминативе денови беше зголемена за два-три пати. Домашниот пазар веќе е доста стабилизиран, па за околу една недела може ќе се дозволи и извоз“, изјави Бектеши.
Повеќе на:sdk
