Лидерот на СДСМ Зоран Заев на денешната трибина во Охрид посочи дека пред да ги решат сите крупни прашања во државава, му понудил заедничка Влада на лидерот на ВМРО-ДПМНЕ, Христијан Мицкоски.
„Му понудив на Мицкоски заедничка Влада пред да ги решиме сите овие крупни прашања, не само заради Преспанскиот договор заедно да го потпишеме. НАТО членството заедно да го оствариме, поглавјата заедно во ЕУ да ги отвориме, затоа што и на мене, и на него ни кажува нашиот народ „дај бе застанете еднаш заедно, застанете бе заедно за државата“, понудив пола од министерствата, за премиер да се договориме, се, не немаа став, бегаа од одговорност затоа што со векови наназад кога ќе погледнете која е таа генетска нишка, иста е и сега – гола политика, борба за пари, власт моќ никогаш одлуки и немања на ставови тоа е истото тоа ВМРО-ДПМНЕ и затоа ќе бидат опозиција“, порача Заев.
„TV21“
