Американскиот канал CNBC ги цитира своите “информирани извори” и пишува дека Турција добилаоколу две недели да избере помеѓу руските С-400, за кои Вашингтон им се заканува со санкции и американските алтернативи на системите Патриот. Ова е конечниот предлог на Соединетите Американски Држави и повеќе нема да има расправа, изјавике анонимни извори за американскиот канал.
“Земјите од НАТО треба да обезбедат воена опрема компатибилна со другите системи за оружје на НАТО. Руските комплекси нема да ги задоволат нашите стандарди. Напоменване дека Турција, ако се реализира купувањето на S-400, ќе сноси многу видливи и негативни последици “, објаснува официјалниот претставник на Стејт департментот на САД за CNBC.
Значи, САД испратија “конечен и неотповиклив” ултиматум за Турција.
До 3 јуни 2019 година, Турција мора да го раскине договорот со Русија за купување на системи за одбрана на S-400 и да купи од САД системите патриот.
Ако Турција не го стори тоа, ќе ја изгуби можноста да ги купи американски противвоздушни одбранбени системи. Покрај тоа, Турција ќе ја изгуби можноста да купи борбен авион Ф-35, вклучувајќи ги и оние што веќе има нарачано.
Враќањето на Анкара во програмата за развој на Ф-35 ќе стане невозможно.
Турција, исто така, може да биде подложна на санкции од страна на САД и Пактот на НАТО.
Причините за ултиматумот се разбирливи. Преговорите во Вашингтон со Турција околу системот С-400 не резултираа со резултати и Ердоган не попушти пред притисок врз американските сојузници. Првата група турски офицери и војници веќе заминаа за Русија за да научат како да управуваат со системот С-400, а властите во Анкара потврдија дека купувањето на С-400 не штети на било што и е неизбежно со цел да се подобри капацитетот на турската војска. Турското Министерство за одбрана веќе се подготвува за можни санкции.
Заради тоа, САД преминаа на типични тактики на закани и заплашување, што е традиционален американски пристап кога ќе затајат сите други алатки за притисок.
На Ердоган му беше директно кажано дека неговите обиди за поголема независност ќе имаат последици. За Анкара, купувањето на S-400 е многу повеќе од воздушна одбрана, и ова е чекор кон зачувување на државната субјективност, но тој чекор ќе биде скап за Турција.
Во овој момент, купувањето на американските системи Патриот и откажувањето на договорот за купување на S-400 ќе претставува чекор во насока на зависност од Вашингтон и симбол на лично понижување за Ердоган.
Значи, прилично баналното купување модерно оружје, се претвори во точка на вриење за Турција.
Кремљ вчера наводниот американски ултиматум за Турција го прогласи за неприфатлив.
Москва реагираше на извештајот на CNBC во кој се наведува дек Вашингтон й даде на Турција повеќе од две недели за да го прекине договорот со Русија и да склучи договор за оружје со Вашингтон, бидејќи во спротивно ризикува сериозна казна.
На прашањето за горенаведениот извештај, портпаролот на Кремљ, Дмитриј Песков, изјавил: “Ова го сметаме за исклучително негативно. Веруваме дека таквите ултиматуми се неприфатливи и се држиме кон бројните изјави на претставниците на турското раководство предводени од претседателот Ердоган, кој изјави дека договорот за испорака на С-400 веќе е завршен и ќе се спроведе “.
Анкара потпиша договор за купување на руски системи за 2,5 милијарди долари во 2017 година. Веќе тогаш, Вашингтон се закани со политички и економски импликации за соработката на Турција со Русија. Како алтернатива, САД во неколку наврати ги нудеа своите Патриот системи произведени од страна на Raytheon, но Анкара ги одби понудите, бидејќи Американците не сакаа да ја споделат својата тајна ракетна технологија.
Во меѓувреме, во 2018 година, Анкара почна да гради специјални воени полигони за распоредување на S-400. Ако ги добие руските системи за противвоздушна одбрана во јуни, како што е најавено, ќе можат да ги користат во 2020 година.
