Вршителот на должноста градоначалник на Дебар, Еуген Цами преку официјално писмо упатено до Министерството за локална самоуправа и Државниот инспекторат за локална самоуправа бара инспекциски надзор во општината.
Во своето писмо до одговорните институции, тој наведува дека е незадоволен од начинот на функционирање на Советот на општината, поради што е принуден да побара инспекциски надзор за „незаконските одлуки што се донесени за негово наводно разрешување, како и други одлуки донесени од Советот надвор од законските одредби“ .
– На ваков чекор се одлучив бидејќи одлуките кои Советот ги донесе за мое разрешување и избор на нов вршител на должноста се незаконски. Во ниту еден законски акт не е предвидено такво нешто. На ова функција јас сум привремено, се до спроведување на избор за градоначаланик, што ќе биде во април. Од декември кога бев избран со најголема одговорност и максимално совесно ја извршувам функцијата. Градоначалник сум на сите граѓани без разлика на национална, верска или партиска припадност – изјави Цами за МИА.
По куса, но жолчна расправа на спротвставени мислења, со осумте гласови на советниците на ДУИ, СДСМ и ПЕИ, без присуство на советниците од Беса, Алијансата за Албанците и ВМРО ДПМНЕ, кои ја напуштија седницата, на 17 јануари Советот на општина Дебар за вршител на должноста градоначалник го избра Хекуран Дука, советник на ДУИ.
Повеќе на: фокус.мк
