Не бев присутна кога го уапсија Сашо, рече пратеничката Нола Исмајлоска Старова во емисијата „Вин-Вин“, со што ги демантира информациите дека таа заедно со пратениците Крсто Мукоски и Сашо Василевски биле во хотелот „Мериот“ при апсењето на поранешниот шеф на УБК, Сашо Мијалков.
Сепак, Исмајлоска не беше прецизна дали воопшто не била таа вечер во „Мериот“ или само не присуствувала на чинот на апсењето на Мијалков.
Пратеничката само кажа дека се сретнала со Мијалков, но и со други обвинети од ВМРО-ДПМНЕ.
-Помирувањето беше подадена рака од Зоран Заев, за која јас сметав дека треба да биде прифатена и затоа јас сум дел од телото за помирување. Целтата за вистина за 27 април не е целосно излезена. Јас верувам дека колегите пратеници немале лоша намера, а и дека веруваат дека треба да одиме понатаму. Не бев пристуна кога го апсеа Сашо. Слушнав за тие информации, но не бев таму. Не негирам дека сум се сретнала, но кога го апсеа бев на друго место, рече Исмајлоска-Старова.
Извор:НоваТВ
