Речиси две децении од крајот на последната војна на Балканот, постои шанса терминот “балканизација” да стане нешто од минатото, пренесува Блумберг.
Блумберг тврди дека сите земји од поранешна Југославија сега имаат реални шанси за членство во ЕУ, но истакнуваат дека на тој пат треба да се решат уѓте “неколку конфликти”, од кои “најсилен е конфликтот помеѓу Белград и Приштина”.
Блумберг во статијата насловена како “Замислете го Балканот без балканизација”, потсетува на првиот состанок на српскиот претседател Александар Вучиќ со косовскиот претседател Хашим Тачи во август во Австрија, каде што разговарале за можните компромиси, со забелешка дека “тоа бил момент на надеж”.
Агенцијата, сепак, додава дека многу повеќе трпение ќе биде неопходно од надежта да се добијат опипливи резултати.
Европската унија, како се наведува е “несомнено најефктивна мировна машинерија, со тенденија да ги избрише границите и смири споровите без употреба на сила”, а досега само две поранешни југословенски држави, Словенија и Хрватска станаа нејзини членки.
“Останатите пет, ако се смета и Косово како последно кое прогласи независност, кое не го признаваат пет земји-членки на ЕУ, остануваат во очекување”, се вели во текстот.
Тие се “, пренесува Блумберг,” се опфатени со економска заостанатост и корупција, како и конфликти какви што ЕУ не ги сака во внатрешноста на своите рамки “.
