Во време кога станува збор за интензивирање на зајакнувањето на политичките активности поврзани со конечното решавање на палестинското прашање, со децении едно од најгорките по израелската држава, големо внимание се посветува и на статистичките податоци кои се однесуваат на вкупниот број на муслимани кои живеат во таа земја.
Израелското централно биро за статистика ги објави најновите статистички податоци за бројот на муслиманите во еврејската држава.
До крајот на 2017 година, бројот на муслиманите кои престојувале во Израел изнесувал 1 562 000, што е 17,8 отсто од вкупниот број израелски жители. Огромното мнозинство израелски муслимани ги сочинуваат Арапите, додека другите две муслимански заедници – Черкези и Роми заедно имаат околу 10.000 припадници. Треба да се забележи дека израелските Черкези, за разлика од Арапите, равноправни се со Евреите и Друзите во однос на обврските, како што е воената служба во израелската армија.
Бројот на муслиманите во Израел кон крајот на 2017 година се зголеми за 38 илјади во споредба со крајот на 2016 година. Динамиката на годишниот пораст на израелските муслимани во 2017 година беше највисока во однос на сите други верски заедници и беше 2,5%, исто како и во претходните три години. Меѓутоа, во споредба со претходните две децении, кога динамиката на раст беше уште поголема, оваа тенденција се намалува.
Што се однесува до географската распространетост на муслиманското население, околу еден милион живеат во северниот дел на Израел (околу 35.6% живеат во Северниот округ (во Галилеја) и 13.8% во Хаифа). Уште 21% од израелските муслимани живеат во округот Ерусалим. 11% живеат во централниот округ, а на југот 16,6%. Само 1% од вкупниот број израелски муслимани живеат во областа на Тел Авив, од кои речиси сите припаѓаат на град Јафа.
Ерусалим, се разбира, е од особена важност кога станува збор за верскиот состав на населението. Станува збор за град со најголем број на муслиманско население – 329.000 или 36,5% од целото население. Се разбира, ако се разгледува административната поделба на градот во Истокот и Западот, апсолутните бројки кои се однесуваат на Евреите и муслиманите (Арапите), тогаш преовладуваат на едната или на другата страна.
Вториот град со апсолутен број муслимани е Негава Рагат во северниот дел на земјата, каде што живеат 66,6 илјади муслимани, со 99,8 отсто од вкупното население во градот. По него следува Назарет (исто така Северен округ) со 54.3 илјади муслимани (70.7% од вкупното население на градот).
Извор:geopolitikanews
