Исламот не е дел од Германија, но муслиманите се, изјавил денес новиот министер за внатрешни работи, Хорст Сехофер, во директна контрадикција со ставовите на канцеларката Ангела Меркел.
– Исламот не е дел од Германија, Германија ја создаде христијанството. Дел од оваа традиција е слободните недели, црковни празници и ритуали како што се Велигден, Сите Свети празници и Божиќ – изјавил шефот на Христијанската социјална унија (ЦСУ) за денешното издание на таблоидот Билд.
Според него, муслиманите што живеат во Германија се природен дел од неа, но тоа не значи дека Германците се откажуваат од одредени специфични традиции и обичаи од некоја лажна причина и размислување.
– Мојата порака е: Муслиманите мора да живеат со нас, нема да живееме еден покрај друг. За да го постигнеме ова, потребно е взаемно разбирање. Ова може да се постигне само кога разговараме едни со други – рекол Сехофер.
Одговарајќи на ставовите на министерот во нејзината влада, канцеларката Ангела Меркел го повтори својот став дека муслиманските граѓани и нивната религија се дел од Германија.
“Четири милиони муслимани во Германија припаѓаат на Германија, исто како што нивната религија и припаѓа на Германија”, одговорила Меркел, која често доаѓала во конфликт со поранешниот баварски премиер во однос прашањето на имиграцијата, објави ДПА.
Извор: Фена / фактор
