Стотици граѓани на Тетово денеска протестираа со цел да го изразат нивниот револт против покачувањето на цената на електричната енергија во Северна Македонија, кое беше најавено дека од септември ќе се зголеми за 7,4 отсто, јавува Агенција Анадолија (АА).
Во Тетово секој петок од почетокот на август се организираат протести во различни форми против зголемувањето на цената на електричната енергија, како протестни маршови, блокирање на главните улици на градот, како и на автопатот, а организаторите велат дека ќе продолжат со протестите сѐ додека не се прифатат нивните барања.
Овој петок протестот започна на плоштадот „Илирида“, по кој се маршираше кон канцелариите на ЕВН, а потоа демонстрантите повторно се вратија на плоштадот каде што организаторите ги упатија нивните пораки против зголемувањето на цената на електричната енергија.
Потсетуваме, Регулаторната комисија за енергетика на Северна Македонија соопшти дека цената на електричната енергија што ја плаќаат домаќинствата од септември ќе се зголеми за 7,42 отсто, додека граѓаните ќе можат да ја употребуваат евтината тарифа во истиот период како и претходно.
Протестите се одржаа во некои поголеми градови во земјата, вклучувајќи го и главниот град Скопје.
Anadolu
