1
На социјалните мрежи се појави попладнево видео на кое се гледа како полициски службеници приведуваат момче што го шета својот миленик. Видеото предизвика лавина од коментари и негодувања.
За настанот се огласи министерот за внтарешни работи Наќе Чулев
-Во текот на денешниот ден на социјалната мрежа Фејсбук се споделува видео на кое се забележуваат неколку полициски службеници кои преземаат мерки за лишување од слобода на лице кое е затекнато надвор од својот дом со својот миленик за време на ограничувањето на движењето на граѓаните. Во таа насока би сакал да ја информирам јавноста дека од страна на Одделот за внатрешна контрола, криминалистички истраги и професионални стандарди конкретниот случај е евидентиран и се преземаат мерки за утврдување на законитоста на постапувањето на полициските службеници, a за исходот од проверките во текот на утрешниот ден дополнително ќе биде известена јавноста, напиша министерот Чулев.
Одделот за внатрешна контрола и професионални стандарди и во иднина ќе презема мерки за соодветно расчистување на сите случаи во кои постои сомневање дека постапувањето на полициските службеници е спротивно на законот.
https://www.facebook.com/nesso.anggel/videos/3666012216747239/
Faktor.
