Руската амбасада во Македонија реагира на наслов во „Гардијан“

Амбасадата на Русија во Македонија преку Твитер даде коментар за насловот на „Гардијан“ во кој неуспешниот референдум е наречен уште една победа на Русија.

– Почитуван „Гардијан“ (и другите западни медиуми), обвинувајќи ја Русија за неуспехот на референдумот во Македонија, значи дека или ви недостига експертиза или намерно го потценувате македонскиот народ. Како и да е, ниту едното ниту другото не е добро за вашата репутација –  пишува во твитот од Руската амбасада.