Турскиот претседател Реџеп Тајип Ердоган денес во Ескишехир пред церемонијата на отварање на Трансанадолскиот гасовод (ТАНАП) се состанал со српскиот претседател Александар Вучиќ и со претседателот на азербејџан Илхам Алијев, објави Агенцијата Анадолу (АА).
.jpg)
ФОТО: АА
Трилатералниот состанок се одржа на местото каде што се одржа церемонијата на отворање на гасоводот. Средбата, била затворена за медиумите, и траела околу 20 минути..jpg)
.jpg)
.jpg)
Американскиот претседател Доналд Трамп на прес конференцијата по завршувањето на историската средба со лидерот на Ким Јонг ун изјави дека е потпишан документ со кој САД и Јужна Кореја се обврзуваат да престанат со „воените игри“ што би ја налутиле Северна Кореја.
Тој рече дека Ким го информирал дека Северна Кореја го затворила комплексот каде се вршеле таквите тестирање на мотори за ракети. Но, како што кажа, деталите не биле разработени, бидејќи немало доволно време.
Трамп сепак нагласи дека санкциите нема да се укинат се додека не се постигне напредок за денуклеаризацијата.
Меѓудругото, се разговарало и за човековите права во Северна Кореја, а Трамп во тој контекст оцени дека , додавајќи дека “тие се кршат на груб начин”во Северна Кореја, но како што рече, така е и на „многу места”.
Трамп изјави дека е убеден дека севернокорејскиот лидер Ким Јонг Ун “ќе се придржува” до документот.
-Мислам дека никогаш не сум имал доверба во некој претседател како што имам сега, дека постои желба и способност да се завршат работите, изјави Трамп, говорејќи за тоа дали му верува на северноорејскиот лидер на ветувањата дека же го исполни договореното.
-Тој беше многу убедлив во фактот дека тој сака да го стори тоа – мислам дека можеби ќе сака да го исполни тоа дури и повеќе од мене. Тие гледаат светла иднина за Северна Кореја, Но се разбира, никогаш не се знае, рече Трамп.
Четирите клучни точки на Декларацијата
Би Би Си објави дека Декларацијата има четири клучни точки:
-Соединетите Држави и Демократска Народна Република Кореја се обврзуваат да воспостават нови односиво согласност со желбата на народите на двете земји за мир и просперитет.
-САД и КНДР ќе се приклучат на напорите за изградба на траен и стабилен мировен режим на Корејскиот полуостров.
-Потврдувајќи ја Декларацијата од 27 април 2018 година, КНДК се обврзува да работи на целосната денуклеаризација на Корејскиот полуостров.
-Соединетите Американски Држави и КНДР се обврзаа да ги идентификуваат останките од оние кои починале како воени затвореници во двете земји, вклучувајќи и враќање на останките на веќе идентификуваните.
Заврши!
Неколку минути по завршувањето на прес конференцијата на Трамп, владата во Сингапур испрати покани до новинарите со следната содржина: “Готово е!”
Самитот е “прв чекор”
Јапонскиот премиер Шинзо Абе ја даде својата реакција на самитот на Трамп-Ким – еве што рече:
-Одлуката на претседателот Ким за комплетирање на денуклеаризацијата на Корејскиот полуостров беше потврдена во еден документ, кој го поддржувам како чекор кон сеопфатно решавање на прашањата околу Северна Кореја. Исто така, високо ја ценам изјавата на претседателот Трамп во врска со киднапираните јапонски граѓани. Јапонија ќе се заложи за решавање на прашањата околу Северна Кореја, како што се киднапирањата, нуклеарната програма и проектилите, во соработка со САД, Јужна Кореја, Кина, Русија и меѓународната заедница, изјави јапонскиот премиер Шинзо Абе во првичната реакција по самитот.
-Седумдесет години поделба и непријателство фрлија темна сенка што сега не можеме да веруваме на она се случува пред нашите очи. Пофалби за храброста и определбата на двајцата лидери, претседателот Трамп и претседателот Ким, да се направат промени. Договорот од 12 јуни ќе остане историски настан кој помогна да се прекине последното преостанато наследство од Студената војна, изјави јужнокорејскиот претседател Мун Јае ин.
Тој додаде дека самитот е “голема победа постигната од страна на САД и двете Кореи и огромен чекор напред за луѓето ширум светот кои копнеат за мир”.
Владата на Јужна Кореја, во врска со изјавата на Трамп дека САД и Јужна Кореја се обврзуваат да престанат со „воените игри“ што би ја налутиле Северна Кореја, соопшти дека не и е познато што значи тоа.
Доналд Трамп и Ким Јонг-Ун станаа првите претседатели на САД и Северна Кореја кои се состана, што претставува досега невиден развој на ситуацијата, по една година размена на закани.
Она што за многумина беше историскиот чин е нивното ракување во хотелот на островот Сентоса во Сингапур пред почетокот на разговорите.
Извор:НоваТВ
Претседателот на Република Македонија Ѓорге Иванов денеска во Дојран оствари средба со бугарскиот претседател Румен Радев, кој престојува во работна посета на Македонија.
Како што соопшти Кабинетот на претседателот, на средбата било разговарано за продлабочување на одличните билатерални односи преку јакнење на политичкиот дијалог, за интегративните процеси на Република Македонија и биле разменети мислења за актуелните предизвици во регионот и во ЕУ.
Иванов изрази надеж дека Бугарија како актуелен претседавач со Европската унија, по добиената позитивна препорака од Европската комисија, ќе продолжи да ги поддржува македонските интегративни процеси, особено за одредување на датум за отпочнување на пристапните преговори.
– Самитот ЕУ-Западен Балкан во Софија, по Процесот Брдо-Бриони, ќе биде одлична можност уште еднаш да се потврди европската перспектива за целосната интеграција на земјите од Западен Балкан, бидејќи само на тој начин се гарантира мирот, стабилноста и просперитетот на нашиот регион, кој сè уште е подложен на безбедносни и геостратешки предизвици, рече Иванов.
Бугарскиот претседател изрази задоволство од учеството на припадниците на Армијата на Република Македонија на воената парада во Софија, се додава во соопштението од претседателскиот Кабинет.
Двајцата државници разговарале и за унапредување на безбедносната и армиската соработка и размениле мислења за активности насочени кон справување со предизвиците од илегалната миграција, тероризмот и насилниот екстремизам.
На средбата, двајцата претседатели ја реафирмирале заемната посветеност за конструктивно унапредување на севкупните пријателски односи меѓу двете земји и во тој контекст изразиле задоволство од континуираниот политички дијалог на највисоко ниво.
Претседателот Иванов на покана на претседателот Радев ќе престојува во возвратна официјална посета на Република Бугарија во јуни годинава, се додава во соопштението.
Извор:НоваТВ
Следната седмица, на 25 април ќе се одржи нова средба во Виена на шефовите на дипломатите на Македонија и на Грција Никола Димитров и Никос Коѕијас со медијаторот Нимиц, објавија дел од грчките медиуми, пренесува МИА.
Датумот се споменува во новинарските кругови во Грција, но засега нема ниту официјална потврда ниту демант.
Грчкиот информативен портал Ин, пишува дека новата средба се планира под голема тајност, но индиректно ја поврзува и со изјавата на Коѕијас за радиото 247 дека не може да се постигне договор до јулскиот НАТО Самит.
Никола Димитров и Никос Коѕијас, како што веќе беше соопштено по нивната средба во Охрид минатиот четврток, ќе се сретнат и на двете конференции кај јужниот сосед, едната на 3 и 4 мај во Солун, другата една седмица подоцна во Сунио.
Првата е регионална конференција со учество на Македонија, Албанија, Бугарија и домаќинот Грција, која веќе неколку пати се има одржано во истиот формат и се однесува на меѓуграничната соработка.
На 11 и 12 мај, местото Сунио на 70-тина километри во Атина, познато по Храмот на Посејдон, ќе биде домаќин на Конференцијата за иднината на Европа.
На конференцијата ќе учествуваат претставници на вишеградската четворка (Словачка, Чешка, Унгарија и Полска) и балканските четворка, односно земјите од членки на ЕУ од регионот (Бугарија, Хрватска, Романија и Грција), како и државите кандидати за членство во унијата, меѓу кои и Македонија.
Извор:НоваТВ
Претседателот на ВМРО-ДПМНЕ, Христијан Мицкоски денеска имаше работен појадок со високата претставничка на ЕУ за надворешна политика и безбедност, Федерика Могерини, на кој било разговарано за европските интеграциии на државата, најновиот извештај на Европската комисија и за нотираните недостатоци.
„Претседателот Мицкоски истакна дека Европската Унија и е потребна на Република Македонија како начин за подигнување на стандард на граѓаните, повисок квалитет на живеење и споделување на заедничките вредности. На тој план ВМРО-ДПМНЕ даде свој придонес давајќи суштински забелешки кои беа инкорпорирани во реформските закони кои беа донесени, со што партијата се водеше од државните интереси и интересите на граѓаните кои за ВМРО-ДПМНЕ се на прво место“, стои во соопштението за средбата.
Мицкоски, како што се наведува, изразил загриженост за економската ситуација во државата, корупцијата, која е широко распространета и случаите кои отвараат сериозен сомнеж за криминал во кој се вмешани највисоки преставници на власта.
Политичкиот терор е широко застапен, и тој се одвива на повеќе нивоа како начин на пресметка на власта со неистомислениците, притисоците врз медиумите и недостатокот на демократски амбиент е сериозен предизвик кој државата ја уназадуваат во повеќе сфери, истакнал Мицкоски.
Лидерот на ВМРО-ДПМНЕ посочил дека Македонија мора да го продолжи патот кон Европската Унија, се до нејзино целосно интегрирање, а за тоа е клучна и поддршката од пријателите од Европската Унија кои мора одблиску да ги мониторираат процесите и волјата на владата да работи на надминување на нотираните забелешки во Извештајот на ЕК.
Извор:НоваТВ
БАКУ (АА) – Претседателот на Република Македонија, Ѓорге Иванов денеска оствари средба со премиерот на Република Турција, Бинали Јилдирим, во главниот азербејџански град Баку, јавува Anadolu Agency (AA).
Средбата меѓу претседателот Иванов и премиерот Јилдирим се одржа во Баку, каде што тие се дел од шестиот Глобален форум на Баку.
Турскиот премиер Јилдирим денес се сретна и со претседателот на Албанија Илир Мета, како и со членот на претседателството на Босна и Херцеговина Младен Иваниќ, кои исто така престојуваат во Азербејџан на Глобалниот форум.
Претставници на Здружението на новинарите на Македонија денеска се сретнаа со претседателот на Кривичниот суд во Скопје, Иван Џолев. На средбата се разговараше за подобрување на условите на новинарите што известуваат од судски рочишта и за подобрување на меѓусебната соработка.
Претседателот на ЗНМ Насер Селмани, ја поздрави новата пракса на претседателот Џолев во поглед на транспарентноста на институцијата. „Сугериравме на институциите да одржуваат редовни брифинзи со новинарите бидејќи така се зголемува транспарентноста на институцијата и се намалува можноста за објавување на непроверени информации“, истакна Селмани.
Беше разговарано и за конкретни судски постапки што се водат против новинари. Селмани побара судиите да ја применат праксата на Европскиот суд за човекови права, кога одлучуваат за предмети против новинари.
Двете страни изразија подготвеност да организираат заеднички активности и обуки, кои имаат за цел да се олесни пристапот на новинарите во судот и да се подобри квалитетот на известувањето.
Претседателот на Кривичниот суд Џолев рече дека Судот е отворен да соработува со ЗНМ со цел да се зголеми транспарентноста и да се подобри пристапот на новинарите во судот.
Имавме една конструктивна средба, дискутиравме за актуелната политичка и економска ситуација и се надеваме дека понатаму ќе прерасне во традиција да имаме почести средби да ги аргументираме нашите позиции, бидејќи тоа може да влијае позитивно на релаксираме на политичката ситуација во државата, изјави претседателот на ВМРО ДПМНЕ Христијан Мицкоски, по денешната, прва средба со лидерот на ДУИ Али Ахмети.
[embedyt] https://www.youtube.com/watch?v=boF0XPRYSFM[/embedyt]
На прашањето, како ќе ги поддржат реформите, ако не се вратат во Собранието, Мицкоски рече дека во моментов како политичка партија не можат со сиот свој капацитет да учествуваат во работата на Собранието, од како што рече „математичка, но и од политичка причина“.
-Математичката е што 12% од нашата пратеничка група е во притвор така што ние не можеме со сиот свој капацитет да учествуваме во работата на парламентот а политичка е имаме сериозно нарушување на демократскиот амбиент во државата а во таа насока како што кажаа изминативе денови претставници на Меѓународната заедница на одговор на владата, односно владата е таа која што треба да подготви амбиент во кој што амбиент би се чувствувале комотно и опозицијата за да може да бидат присутни во Собранието, рече Мицкоски.
Тој повторно како услов го постави ослободувањето од притвор на обвинетите за насилствата во Собранието.
– Никој засега нема поднесено одговорност зошто некој применил таков чекор, односно без да им биде симнат имунитетот на пратениците ги привел, ги држел со лисици, ги понижил пред македонската јавност и за тоа се уште немаме одговорност. Кога ќе имаме одговорност ќе дискутираме, понатаму кои ќе бидат нашите чекори. Сега за сега ова е нашиот чекор. Се додека имаме ваква ситуација во државата пратеничката група на ВМРО-ДПМНЕ не може целосно и од математички но и од политички причини да учествува во работењето на Собранието. Мора некој да сноси одговорност за тој чин. Дали тоа ке биде министерот или по вертикала надоле тоа ќе остане да одлучат тие кои што ги поставуваат тие лица, изјави Мицкоски.
Во врска со законот за јазици, Мицкоски рече дека не дискутирале за детали, туку само ги аргументирале своите позиции.
-Од прилика тука заврши дискусијата, изјави Мицкоски одговарајќи на новинарско прашање.
Ахмети, пак, рече дека средбата не била за преговори туку за честитање. Тој изјави дека во интерес на двете партии е стабилноста на земјата и напредок во имплементирање на реформите.
– Разменивме мислења на многу конструктивен начин и за неопходните реформи кои мора да ги завршиме во земјава. Разговаравме и за политичките процеси во земјата. Интересот на двете партии е нашата држава да биде што е можно постабилна, изјави Ахмети.
Ова е прва официјална средба на лидерите на двете партии откако Мицкоски стана лидер на ВМРО-ДПМНЕ.
Завчера, во емисијата „Само вистина“ на Канал 5, Мицкоски го пофали Ахмети како искусен и мудар политичар, од кого како што рече можел да научи.
Извор:НоваТВ
Премиерот Зоран Заев денеска имал средба со амбасадорот на Словенија во земјава, Милан Јазбец, на која, како што соопштија од владината прес-служба, амбасадорот ја пренел оценката дека се чуствуваат позитивни промени во Македонија и му честитал на Заев за ефектите од „засилената дипломатска активност што ги отвора перспективите на државата кон ЕУ и НАТО“.
На средбата било констатирано дека се создадени услови за интензивирање на искреното пријателство меѓу двете држави, и биле договорени повеќе конкретни чекори за грантови и инвестиции во проекти за питка вода и за отпадни води за општините и жителите во внатрешноста на Македонија.
„Словенечкиот амбасадор Јазбец во таа насока пренесе интерес на словенечката Влада, како и на фирми од Словенија за учество во вакви инвестиции, што се разгледува да се реализираат и со вклучување на Владата на Македонија, на општините и на приватни домашни ресурси, согласно потребите“, стои во соопштението за средбата.
Заев и Јазбец разговарале и за политичката клима во двете држави и за претстојната официјална посета на словенечкиот премиер Миро Церар на Република Македонија.
Извор:Мета
Премиерот Зоран Заев во рамките на официјалната посета на Сојузна Република Германија, денеска се сретна со претседателот Франк-Волтер Штајнмаер.
Заев и Штајнмаер го оценија како исклучително позитивен и динамичен досегашниот развој на односите меѓу Македонија и Германија, и заеднички се согласија дека овие релации ќе продолжат и понатаму, и дека се од особено значење за претстојниот клучен период за Република Македонија.
Во годината кога се одбележуваат 25 години од воспоставувањето дипломатски односи, длабокото партнерство меѓу двете земји е наградено со фактот што Германија е најважниот трговски партнер на Република Македонија, со вредност на трговската размена во висина од преку 3 милијарди евра.
Плодната соработка со Германија ја потврдуваат и преку 200 компании што имаат воспоставено бизнис релации со македонските компании, додека компаниите што основаа свои фабрики во Република Македонија, отворија речиси 20 илјади работни места.
Заев и неговиот домаќин, претседателот на Германија разменија мислења и за активната соработка во сферата на безбедноста и одбранбените политики, и членството на Македонија во НАТО. Претставници на Армијата на Република Македонија се дел од редовните обуки во армиските институции на Германија, како и во заедничките мировни мисии. Особено беше истакнат ангажманот на македонските војници кои рамноправно и професионално ги извршуваат мировните задачи во рамки на мисијата во Авганистан, во рамки на германскиот контингент.
Заев информираше дека, освен политиките за забрзување на евроинтеграциските процеси, напорите на Владата се фокусирани на спроведувањето на одржливи внатрешни реформи и за затворање на долгогодишни и длабоко чувствителни прашања со соседите.
Штајнмаер додаде дека ги почитува напорите на Владата на Република Македонија и премиерот Заев и оцени дека се направени видливи и значајни промени во придвижувањето на земјата напред и спроведување на реформите.
Решение на спорот со Грција, оцени Штајнмаер, ќе даде позитивен импулс за целиот регион и значително ќе влијае на стабилноста.
Извор:НоваТВ