Нишката полиција го уапсила камионџијата А.И. (30) од Прешево, во чиj камион пронашла повеќе од 330 килограми марихуана, соопшти МВР.
Како што се наведува, осомничениот бил запрен во Ниш, а полицијата во приколката од неговиот камион пронашла 332 килограми марихуана.
На осомничениот му е одредена мерка притвор во траење од 48 часа, по што со кривична пријава ќе биде изведен во обвинителството во Ниш.
За Аљбин Курти ова се последните моменти за размислување и запирање на уништувањето на „земјата“, изјави лидерот на Алијансата за иднината на Косово, Рамуш Харадинај.
Што се однесува до Курти, ова се последните моменти да размисли и да го запре уништувањето на земјата, во спротивно ќе бидеме принудени да го спречиме, со сите расположливи демократски средства“, рече Харадинај.
Потсетуваме, Аљбин Курти неодамна еднострано го откажа Бриселскиот договор, изјавувајќи дека нема да ги спроведе обврските што Приштина ги презеде околу формирањето на ЗСО.
Претставниците на Србите на Косово и Метохија претходно најавија дека се повлекуваат од собранието, владата и сите приштински институции, како и дека го суспендираат учеството во полицијата и судството.
Преговорите за увозот на српско брашно е можно да завршат со целосно укинување на маркичките, рече денеска министерот за земјоделство, шумарство и водостопанство Љупчо Николовски.
Одговарајќи на новинарски прашања по добивањето на техничката помош од ЕУ, Николовски нагласи дека со меморандумот меѓу Македонија и Србија што треба да биде потпишан до 30 јули годинава, ќе се отвори и потребата од укинување на маркичката.
– И при првата средба во Скопје рековме дека отвораме храбри чекори за унапредување на соработката и укинување на нетарифните бариери. Веќе е договорено олеснување при извозот на оризот во Србија, радиоактивноста ќе се проверува на границата без да се чека, за ГМО ќе се признаваат нашите сертификати, анализи за листерија ќе се земаат само при проценка на ризик, а не постојано како сега, се кратат процедурите и за извоз на нашите градинарски производи, договорено е за максимум еден ден да завршат сите постапки, напомена министерот.
Според него, со унапредувањето на соработката и меѓусебното признавање на анализите, ќе се скрати не само времетраењето на контролите, туку значително ќе се намалат и трошоците со оглед дека некои анализи во Србија чинат 800 евра, а кај нас 200 евра.
Во врска со брашното, дополни Николовски, Агенцијата за храна и ветеринарство веќе воспостави нов систем на контрола, коридор при влезот на пратки со што надзорот е засилен.
На 12 април во Белград, српскиот вицепремиер и министер за трговија, Расим Љајиќ и вицепремиерот Кочо Анѓушев договорија привремено да се врати употребата на стариот правилник за увоз на српско брашно, но допрва ќе се одлучува од кога ќе почне да се применува.
Стариот правилник важеше се до февруари оваа година, а потоа нашата страна воведе измени, кои наидоа на остра реакција од Србија и најава за воведување на контрамерки.
Откако Македонија во февруари годинава воведе измени на правилникот, со кои се предвидува маркичките да се издаваат дури откако за брашното ќе се добијат резултатите од лабараториските анализи од Агенцијата за храна и ветеринарство, за да се гарантира дека брашното е безбедно за употреба за македонските потрошувачи, српските мелничари побараа од Владата да воведе контрамерки против Македонија, жалејќи се на поголеми давачки и забавување на процедурата.
Потоа, Македонија се согласи маркичките за пакувања од еден, два и пет килограми да се лепат во Србија, а на оние од 25 и 50 килограми, да се издаваат во земјава, а при посетата на Љајиќ на Скопје констатирано е дека недоразбирањата се надминати, но проблемот мора да се решава системски, со рок до 14 април.
Од Србија во Македонија годишно се извезува околу 40.000 до 50.000 тони брашно.
Минатата година увозот на брашно од Србија достигнал 53.000 тони и овие количини не се очекува да се зголемат со потпишување на договорите за унапредување на размената зашто толкава е потребата на македонскиот пазар, соопшти Министерството за земјоделство, шумарство и водостопанство.
Со преговорите за надминување на бариерите, можно е донесување одлука за целосно укинување на маркичките за брашното.
Николовски рече дека до 30 јуни годинава треба да се усогласат и потпишат двата договора со Србија од областа на безбедноста на храната и фитосанитарната соработка, што ќе значи меѓусебно признавање на сертификатите, побрз проток на пратките, пониски трошоци и поконкурентни македонски производи.
– Со меѓусебното признавање на сертификатите при извозот на македонските месни преработки двојно ќе се намалат цените за лабораторските испитувања зашто анализата во Србија е просечно околу 500 евра, а кај нас 200 евра, чекањето на граница за добивање резултати од анализите од 12 дена ќе се сведе на само еден ден. Македонските извозници на градинарски култури, резултатите од анализите ќе ги добиваат за еден ден, а не како досега за два до три дена, драстично ќе се намалат и трошоците за анализи на домати кои во земјава се 690 денари, а во Србија 2.630 денари, за пиперки кои се 655 денари кај нас, а 2.800 во Србија, за краставица кои се тука 370 денари, а во Србија 2.350 денари и за јаболка кои во Македонија се 965 денари, а во Србија 4.025, велат од МЗШВ.
Според Министерсвото, во 2017 година се извезени 4.034 тони ориз во вредност од 1,8 милиони евра, 1.453 тони месни преработки во вредност од 2,1 милион евра, а извоз на јогурт и на кисело млеко не сме имале последниве години.
Извор:НоваТВ
Договорот ЦЕФТА е во сериозна криза, а идејата за економско поврзување на регионот е на „климави нозе“ поради честите еднострани провокации на одделни влади во регионот и воведување вонцарински бариери во трговијата со Србија, изјави денеска српскиот министер за трговија, туризам и телекомуникации на Србија Расим Љајиќ за Танјуг, пренесува МИА.
Најнов таков случај, како што кажа Љајиќ е спорот со брашното со Македонија, при што тој најави дека доколку до 14 април Македонија не најде решение за увозот на српското брашно, истиот ден Србија ќе примени „полн сет“ контрамерки.
– Доколку до 14 април не најдеме решение, автоматски истиот ден ќе воведеме контрамерки. Немаме друг механизам и бевме доволно време трпеливи и толерантни, изјави Љајиќ.
Според него, Србија разбира оти македонската влада е под страшен притисок на „мало воденичарско лоби“, но посочи дека Србија веќе нема да трпи „едно такво нелогично и неекономско однесување.“
– Направен е исчекор по неодамнешните разговори со македонската страна кога е договорено взаемното признавање на сертификатите и на работното време на инспекциите на граничните премини, констатираше Љаиќ, додавајќи дека Србија предлагала потполно укинување на контролните маркички кои се лепат на пакувањата од брашното.
Предлагаме и Србија и Македонија, потполно да ги укинеме маркичките, затоа што нема потреба од дупла контрола доколку меѓусебно се признаваат сертификатите затоа што на тој начин се зголемува вредноста на стоката, а на крај, сето тоа го плаќаат купувачите, констатира Љајиќ.
Љаиќ и претходно се закани дека 14 април е мкраен рок за решение на овој спор кој настана откако српските произведувачи на брашно побараа од српската Влада да воведе контрамерки, откако Македонија го промени Правилникот за увоз на брашно.
Правилникот што стапи во сила на 8 февруари предвидува контролни маркички на брашното да се ставаат по увезување на пратките и нивната контрола, а не пред да се реализира извозот во Македонија.
Според Законот за квалитет на земјоделски производи, „брашното може да се стави во промет ако е означено со контролна марка и ги исполнува условите за промет и за квалитет утврдени со овој закон“.
Според министерот за змејоделство Љупчо Николовски, Македонија eдинствено го промени редоследот на активности при увозот на брашно заради заштита на здравјето на граѓаните.
-Ниту воведува нови давачки, ниту, пак, нецарински и нетарифни бариери, туку напротив ја олеснуваме постапката и протокот и ја намалуваме цената на контролните маркици за увозното брашно, рече Николовски.
тој објасни дека давачките за увозниците се намалуваат – цената на контролните маркици од 1,5 на 0,2 денари за брашно од 25 килограми.
– Контролните маркици се воведени на барање на увозниците и на домашната индустрија и со правилникот само се изедначуваат домашните производители со увозниците. Логично и нормално е прво да се направат анализите, а потоа да се пушти брашното во промет. Наместо да се лепат контролните маркици во Србија и брашното да стига на граница со залепени контолни маркици и веднаш да се пушта во промет, сега ќе треба да биде складирано во магацините кои ги имаат регистрирано увозниците, а по проверките од АХВ да биде ставено во промет, појасни Николовски.
Директорот на Агенцијата за храна и ветеринарство на 16 март изјави дека Мешовитито комитет формиран за преговори на состанокот во Белград направил е напредок во разговорите со Србија во делот на признавањето на одредени лабораториски анализи што досега беше проблем.
Извор:НоваТВ