Турција е решена да испрати жито и брашно во африканските земји преку коридорот за жито во Црното Море, изјави во неделата претседателот Реџеп Таип Ердоган.
– Рускиот претседател Владимир Путин ми рече: „Јас ќе ти дадам жито бесплатно, а ти доставувај го во сиромашните африкански земји“. И кажавме добро. Ова ќе го добиеме бесплатно од вас. Да го претвориме во брашно во нашите фабрики и да го испратиме во сиромашните африкански земји – рече Ердоган во саботата на настан во Анталија.
Сепак, рече Ердоган, 44 отсто од украинското жито се испраќа во Европа.
– Одлучни сме и ќе дадеме се од себе овие производи од овој коридор за жито да ги испратиме во африканските земји – додаде Ердоган.
На 22 јули Турција, ОН, Русија и Украина потпишаа договор во Истанбул за обновување на извозот на жито од Црното Море, кој беше суспендиран по почетокот на руско-украинската војна во февруари. Во Истанбул беше формиран Заеднички координативен центар со официјални претставници од трите земји и ОН за да ги надгледува пратките.
Првиот брод што превезува жито испловил од украинското пристаниште Одеса на 1 август минатата година според историски договор.
Турција доби меѓународна пофалба за нејзината единствена посредничка улога меѓу Украина и Русија и постојано ги повика Киев и Москва да преговараат за крај на војната преку преговори.
Ердоган истакна дека Турција го прави својот дел во изнаоѓање решение за руско-украинската војна, за разлика од оние кои „им помагаат на трговците со оружје“.
– Правиме напори да постигнеме мир во светот. Истиот ден разговараме и со Путин и (украинскиот претседател Володимир) Зеленски. Се обидуваме да видиме како да ги помириме – додаде турскиот претседател Ердоган.
(Vijesti.ba)
