Ваши реакции и Известувања..

Почитувани!

Советот на Месна Самоуправа Подгорци на одржаната седница на ден 16.01. 2016 година гo донесе следниот заклучок:
Седницата се состоеше од една точка на дневен ред која се однесува за зимско одржување и расчистување на снегот од главните улици во населбата Подгорци како и главниот пат од автобуска станица до Вевчански пат односно местото викано Орешки, како и до местото викано Трап на патот за Лабуништа.

Се донесе заклучок таа работа да ја извршува лицето Исниф Елмазоски од Подгорци со чија работа и квалитетно завршена работа сме сите ние запознаети имајќи го искуството од пред неколку години.
Во оваа прилика на лицето му посакуваме успешна работа.

Советот на Месна Самоуправа Подгорци апелира до сите жители да ги остранат сите моторни возила од улиците како би се овозможиле услови за непречено извршување на работата.
Во прилог на овој пост ви постираме и една слика каде со црвена линија се обележани улиците кои се опфатени во населбата.

Однапред ви благодариме на разбирањето.
Совет на Месна Самоуправа Подгорци.

dubai-portal.com.mk

Имајќи ја во предвид анкетата која се однесуваше на прашањето дали сте задоволни од комуналните дејности во вашата населба, повеќето наши анкетирани учесници изјавија дека не се задоволни од моменталната состојба на тоа како одредени претпријатија си ја вршат својата работа.

Во оваа наша анкета, опфатени се разбира и можеа да гласаат и жителите од околните населби: Подгорци, Лабуништа, Октиси и Боровец.

Што значи дека може да се случи во анкетата граѓани на одредена населба да небидат задоволни и гласаат со “НЕ“ додека пак останати да гласале помалку со своето учество, а сепак да биле задоволни од начинот на кој се вршат комуналните дејности во нивната населба, одосно гласале со “ДА“

За да се увериме во тоа, тргнавме од Месна Самоуправа -Подгорци, која стопанисува со комуналните дејности на ова населба и која ние е најблиска.

Уште од утринските часови, без разлика и на тоа што ние ги затекнавме во овој мубарек месец Рамазан, кога се пости и кога ваквата работа малку станува потешка, сепак вредните комуналци на населба Подгорци, својата работа ја започнаа онака како што навикнале како и во секој нормален ден односно од 07.00 часот.

“Моментално почнуваме со работа како што знајте секој понеделник во 07.00 часот, овој термин-ден може да се промени само доколку спаѓа во некој празник или пак времето е лошо, односно врнит дожд или снег. Тога ѓубрето се собира во наредниот ден кога ќе има услови за тоа.

Инаку во зависност од период,обично товариме (тури) од 6 па нагоре, односно некогаш и по 8 тури“ ни објаснува Сулејман кој моментално претставува дел од овој тим.

Во однос на тежината на ова работа, исто размислуваат и Сефидан и Изет, велејќи дека не е лесно, притоа како многу пати жалејќи се на тоа што одредени луѓе (жители) кантите ги полнат со смет кој тие не би требало да го товарат како што се :земја, камен, зеленила или нешто слично. “Поќе пати им велиме ама некои пак го прает истото и тоа ни прајт уште поголеми проблеми,“ ни вели Сефидан.

Додека пак за распоредување на натоварениот смет се грижи Изет, кој веќе долги години работи во ова установа.

“Ја, бате сум горе и мора везден да мисла на товарот и каде газа, пошто луѓето во ѓубрето клаваат се и сешто, па лесно може да се преча на стакло или нешто друго, а и ѓубрето треба убо да бидит ставено за да непаѓат по патот“. ни вели Изет.

“Многу Подгорчани ѓубрето го оставет од вечер (недела) па сабајлето се случвит на многу места да бидит растурено по патиштата како од самите кучиња така и од несоодветните канти, па кога минуваме освен што ни го спречвид движењето на тракторот, односно мора да го собираме растуреното ѓубре, така и губиме време, и многу пати им кажуваме на луѓето како и кога да го иставает ѓубрето за да не ни прајт проблеми“ – ни вели Шевал , возачот на овој трактор, кој со години управува со него се разбира за потребите на Месната Самоуправа.

Друг проблем е и тоа што на депонијата многу пати жителите носет сами ѓубре и го оставаат на самиот влез и со тоа се стеснува патот за влезот во депонијата, и тука повторно треба да вршиме дополнително чистење, објаснува Сулејман.

Колки за потсетување налсеба Подгорци уште години наназад го има решено проблемот со одлагање на сметот и тоа на околната депонија на местото викано “рид“.

Притоа на секои 3 месеци од здравствен аспект сите примаат содветна вакцина како би се заштитиле од било какви заразни болести кои би можеле да им се пренесат во текот на работата.

Инаку, како редовно вработени, Сефидан и Изет секојдневно во зависност од состојбата, вршат и расчистување на патиштата во самата населба и надвор од денот кога треба да се собира, или пак кога претстојува некој празник, па патиштата мора да бидат чисти. А за ова во повеќе наврати сме пишувале и разговарале со актулените учесници како дел од наша анкета.

Она што на крај можевме да го заклучиме е тоа дека сепак, Подгорчани имаат добро организирано извршување на активностите околу комуналните дејности и од тука може да се заклучи дека  од она што ние можевме да го видиме и забележиме, како и да поразговараме со жителите на ова населба е тоа дека тие се задоволни од работата на ова организација околу комуналните дејности, ама сепак за дел од одредени загадувања во населбата нескриено изјавуваат дека и самите жители се виновни.

За останатите населби, Лабуништа, Октиси и Боровец, се надеваме дека ќе бидеме контактирани од надлежните за ваквите дејности, за да се анализира и нивната состојба, односно дали си ја вршата работата како што треба, и дали нивните жители се задоволни до нивната работа.

Односно очекуваме да бидеме поканети и да ни објаснат како тие се справуваат со комуналните дејности и дали нивните жители се задоволни од нивната работа.

Дубаи Портал.

Почитувани, вчера заврши месечната анкета на Дубаи Портал, која се однесуваше за тоа дали квалитетот на водата за пиење кој се користи во населбите: Подгорци, Лабуништа, Октиси и Боровец, ги задоволува сите потребни параметри како безбедна за користење во секојдневниот живот, особени во исхраната.

Од самата анкета од вкупниот број на гласови (33)

• за тоа дека пиеме добра вода гласале (8),
• за тоа дека пиеме не квалитетна вода гласале (21), и
• 4 посетители гласале дека не се сигурни (4)

Од тука произлегува, дека без разлика на бројот на гласови повеќето сметаат дека водата која ја пиеме не е добра.

Заради тоа, во текот на месецот анкетата беше отворена, односно беа повикани организациите, претпријатијата кои се грижат за водоснабување на населбите Подгорци, Лабуништа, Октиси и Боровец, да ја контактираат редакцијата на Дубаи Портал и испратат десегашните извешати од месец јануари, и докаже спротивното од нашитте посетители кои учествуваа во оваа наша анкета.

За жал ниту една една организација (освен Водна Заедница Подгорци)  од соседните села: ЈКП ХИГИЕНА – Лабуништа, Месна Самоуправа Октиси, како Месна Самоуправа Боровец, не испратија односно не не контактираа во врска со ваквото гледиште на граѓаните на овие населби по однос ова прашање, и со тоа остава отворено прашањето-сомнавањето за тоа дали горе наведените организации кои стопанисуваат со одржување на системите за водоснабдување, на жителите им доставуваат квалитетна вода за пиење, односно недај боже се прикриваат вистинските резултати, како што некогаш било карактеристично за одредени претпријатија кои стопанисуваат со одржувањето на водата во нашиве населби.

Притоа уште еднаш ги повикуваме горе наведените да не повикаат на разговор и одстранат дилемата односно сомневањата за вистинскиот квалитет за водата за пиење, при што и покрај крајот на оваа анкета, Дубаи Портал ке настојува преку различни текстови и друг на постови, да ги добие вистинските резултати (извештаи) за квалитетот на останатите населби ( Лабуништ, Октиси и Боровец), од каде жителите ќе бидат навремено известени дали водата е добра или не за секојдневна употреба.

А, ние почитувани во прилог на овој пост-анкета, ви доставуваме факсимил примероци од фотокопирани извештаи на Водна Заедница Подгорци, која стопанисува со системот за водоснабдување, и од чии извештаи од почетокот на ова година, се потврдува дека Подгорчани засега пијат вода која ги содржи сите потребни параметри за користење, односно пиење и било друга намена.

И, на крај уште еднаш ги повикуваме сите наши посетители да земаат активно учество во нашите анкети, со што би добиле информации-одговор за повеќе прашања кои ги притискаат овие населби.

Dubai-portal.com.mk

По, се што ни се случи и случува, изгледа како зимата да не “изненади“ во Декември. Кој можеше да очекува дека во Декември ќе ни пристигне снег. Вака мислам дека размислуваа и се надеваа оние од ЕВН и оние од Македонија пат, а се разбира да не ги заборавиме и нашите Општински власти, Комунални претпријатиа и др..

Како и да е енергетскиот мрак кој со својата неспособност ни го објави “нашата ни“ ЕВН,  мрак  со кој се соочивме пред неколку недели наназад и се вративме во времето на свеќите, кандилата и газието..

Ама нејсе, тоа време замина и кај некои повеќе или кај некои помалку остави привремени или трајни последици (штети) . Е сега дали господата од ЕВН тоа ќе го надокнадат останува да се види, а и навистина да ви кажаме ич не ми е на ум дека  ја имаат таа храброст да рошнат во нивниот финансиски џеб и да го вратат арамот. Едоставно луѓето “ЕВН“  нудат услуги какви и колку што сакаат и кога сакаат, а вие ќе мора да платите за ваквите услуги, зошто може да се случи мракот пак да ви падне пред очи.

И вака денес во ова современо време на безаконие, “нашата ни ЕВН “ го предупредува ( им се заканува) на оние кои му касираат секој месец. Се разбира треба да се плаќа, ама во нашиов случај за што да се плаќа ?

Ама, како и да е тоа помина, меѓутоа за жал она што првиот бран на зимата ни го остави, сеуште го чувствуваме. Мислам дека повеќето веќе знаат и без да прочитаат надолу дека станува збор за она што сеуште ги мачи населените места, овиие нашите Подгорци, Лабуништа, Октиси..

И покрај она што Општината  (не) го превзеде, повеќето граѓани мораа да се организираат во групи и рачно да го чистат патот, од снег и веќе формираниот мраз кој секојдневно не потсетува на оние кои земаат за да го очистат..

Тие што го имале тендерот за да го расчистат навреме снегот, за жал само парадирале низ локалните патишта, демек еве го чистиме патот и се ќе биде проодно како што треба. И навистина, парадата на “тендер фирмите“ помина и низ Лабуништа и низ Подгорци.

И наместо да да го направат онаа за што замаат пари, тие направија како што вели една поговорка “ еден аир, а триста зијани“, а тие зијани мораше народот да ги покрива со својот труд, време, нервоза и што уште не.

Ако денес сеуште имате можност да прошетате низ некои делови на нашите населби, ќе забележите дека модерниот “Хокеј на мраз“ ни станал сеуште присутен. Оние кои за тоа земаат пари ич не ги интересира. Ама нејсе прашајте ги оние кои секодјевно мора да одат на работа или по било каква обврска, а бидејќи никогаш не сме биле на лигазње на мраз,  се плашиме да`н не видит некој кога со нашиот заден дел ќе го бакниме замрзнатото тло, или пак при паѓањето да мислиме како да се пречекаме дали на раце, на глава, или на плешти..и уште полошо да`н не видит некој дека сме паднале, зошто тоа повеќе ќе не боли.

Сето ова горе беше напишано во малку поинаква форма, ама еве накратко веднаш да преминеме на инаквата форма на пишување.

Сеуште во Подгорци, Лабуништа и Октиси, според информациите на нашите читатели има патишта кај кои доминира кора од неколку сантиметри мраз, и никој воопшто не се грижи за таквата состојба. Овде повеќе се потенцира за оние Комуналните препријатија  и организации кои стопаснисуваат  во нашиве населби.

Да тргнеме по ред. Во Лабуништа стопанисува ЈКП “Хигиена“ а улиците се онакви какви што се , а тоа најдобро го знаат нашите Лабуништани. Па во разговор со нас, нашите сограѓани се жалат на тоа дека можеле барем да фрлат некое кесе со сол, за да попушти мразот, и потоа да се очисти и олесни движењето.

“Ама зошто да се фрлаат пари на патиштата, нека луѓето гледаат подобро каде одат, треба да се штеди,“ вака размислуваат тие кои треба да се грижат барем малку за состојбата на локалните патишта, а за какво “штедење“ се мисли тие си знаат, ама мисла дека станува збор за “штедење во сопствен џеб“ ни изјави наш сограѓанин од Лабуништа.

Ништо не е подобра ни состојбата во Подгорци, можеби малку поблага,ама не толку бидејќи овие од Месната Самоуправа на почетокот се истрчаа како маратонци ( се очисти снегот, се фрлија две -три кесиња сол, и тоа е тоа) другото понатаму си тече стихијно,иако знаат дека одредени делови ( а тие знаат кои) не се проодни и се проблематични, оставени се времето само да ги збрише(очисти), или од некаде  да падне (од небо) некое си кесе сол  и така нашиот непријател (мраз) да го снема.

Како и да е реалноста е таква каква што е. Сите оние што земаа тендери, и пари за одржување на патиштата и комуналиите, воопшто не функционираат како што треба, односно паднаа на овој тест како повторувачи, бидејќи учителот (народот) им покажа дека не се способни за подобра отценка, и за тоа нема оправдување , бидејќи реалноста ја кажува ваквата состојба каква што е , а не треба да е, а бидејќи за тоа плаќаме не добиваме што треба ( како да плаќаме за леб-сомун а добиваме ѓеврек). или пак уште нешто послично како онаа: “ Носиме брашно во пекарата да ни направи леб, и на крај лебот ни се наплаќа иако е направен со наше брашно, а треба да ни се наплаќа само услугата“.

Некој ќе рече : “Па, општината е тука !

Да општината е тука, некаде во несподредна близина на плоштадот во Струга. Во многу убав деловен објект.

Друг пак ќе рече: “ Каде е кога ни треба“!

Е, па драги граѓани и пријатели мои, погледнете во каква состојба е Струга и веднаш ќе ви биде јасно каде е.

Односно таа не е во “можност“ да си го очисти својот двор, а камо ли нашиот. Иако за тоа секој месец си го полнат својот џеп.

А кои се причините за ваквото нешто, само тие знаат, и се разбира Господ кој гледа се и враќа  како што треба.

Ама нејсе, ќе протуркаме некако, како и секогаш. Бидејќи се додека има луѓе кои несовесно си ја вршат својата работа, а совеста ја гледаат во длабочината на својот џеб, тука нема аир.

А, тажната слика на нашите патишта останува,, онаква каква што е , а до кога и ќе биде таква, зависи само од нас, односно се додека гледаме со 3Д наочари во обичен телевизор, и не ги фрлиме наочарите кои другите ни ги даваат , исе потрудиме  со своите очи да погледнеме онака како што треба и одлучиме како што треба, да гледаме, е не другите да ни кажуваат како да гледаме.

И, за крај неколку фотографии од тажната состојба на нашите патишта:

Имајќи го во предвид снежното невреме кое во претходните денови ја зафати населба Подгорци, како и одредени делови од нашава општина Струга, на 30.12.2014 година, од страна на жители на населба Подгорци, на претходна организација на Месна Самоуправа Подгорви, се организира заедничка активност (кулук) за расчистување на патиштата во населба и надвор од населба Подгорци од надојдениот (паднат) снег.

Во оваа активност, која како таква беше сватена сериозна и на некој начини активност од заеднички инерес за доброто на населба Подгорци, учествуваа голем број на жители на оваа населба.

Имајќи ја во предвид бројноста на сите оние кои учествуваа и овозможија патиштата во населба Подгорци да бидат слободни за движење и комуникација, Месна Самоуправ Подгорци им се заблагодарува на сите граѓани кои пројавија желба да учествуваат и помогнат во реализацијата на оваа активност, која е од заеднички карактер-интерес на сите жители на оваа населба.

А, ние почитувани членови и посетители на Дубаи Портал Ви го прикажуваме забележаното видео од оваа активност во која уште еднаш сите наши граѓани, како и повеќе пати покажаа солидарност и се разбира заедништво кога станува збор за населба Подгорци.

Па, заради тоа и Дубаи Портал им се заблагодарува на сите оние кои учествуваа во оваа акција, посебно на сите печалбари кои еве за кратко и покрај нивниот планиран одмор одвоија време да им помогнат на своите.

Dubai-portal.com.mk