Се очекува филипинскиот претседател во понеделник да го потпише законот со кој на муслиманското малцинство на островот Минданао ќе му овозможи автономија. Со тоа Родриго Дутерте ќе ја заврши 40-годишната војна за независноста на јужниот дел на земјата, која однесе повеќе од 100.000 животи. Оваа област е дом на бунтовничката група Исламски ослободителен фронт Моро.
Претседателот на САД Доналд Трамп денеска упати сериозна закана до иранскиот претседател преку социјалната мрежа Твитер, порачувајќи му дека доколку им се закануваат на САД, ќе следат последици.
-До претседателот на Иран, Рохани: Никогаш, никогаш немој да им се закануваш на САД, во спротивно ќе се страдаш од последици, со кои малкумина во историјата ги доживеале претходно. Ние повеќе не сме држава која ќе ги прифаќа вашите зборови на насилство и смрт. Внимавајте!, напиша Трамп на Твитер.
Иранската државна агенција ИРНА оцени дека денешното предупредување на американскиот претседател Доналд Трамп е само пасивна реакција.
ИРНА наведува дека твитот на Трамп, напишан со големи букви, е само имитација и копија на изјавите на министерот за надворешни работи на Иран, Џавад Зариф, кој претходно го предупреди Западот никогаш да не му се заканува на Иран.
Рохани пак вчера рече дека Американците мора добро да разберат дека мирот со Иран е мајка на светскиот мир и дека војната со Иран е мајка на сите војни.
Иранскиот претседател го предупреди Трамп да прекине да се игра со опашката на лавот и да му се заканува на Иран. Во спротивно, рече Рохани, САД ќе зажалат.
Извор:НоваТВ
Вкупно 2,419 пливачи од 55 земји учествуваа на 30-тиот Самсунд интерконтинентален натпревар преку Босфорот.
Учесниците на единственото натпреварување кое го организира Турскиот олимписки комитет (ТМОК) запливале од местото Канлича на азискиот брег на Босфор, а трката заврши на европското крајбрежје во паркот Куручесме Цемил Топузлу, објави агенцијата Анадолу.
Натпреварувачите пливаа во групи, а стартот на трката беше одбележан од турскиот министер за спорт и Младиот Мехмет Мухарем Касапоглу. Пливачите носеле чиповите на нозете кои го мериле времето и го утврдиле конечниот поредок.
Најдобро организираната трка од овој вид во светот во машка конкуренција ја освои Севернокипарчанецот Догукан Улач, кој каналот долг 6,5 километри го исплива за 46 минути и 58 секунди.
Второто место го освои домашниот натпреварувач Ерџе Кан, додека Американецот Костич беше трет.
Во женската конкуренција победи Хилал Зејнеп Сарач, која го преплива Босфорот за 50,5 минути. И второто место му припадна на домашната натпреварувачка Буши Топчу, додека третото место му припадна на американката Ами Данцлер.
Извор:Faktor/ Агенција Анадолу
Турското Министерство за надворешни работи го осуди новиот закон за Израел како национална држава на еврејскиот народ, тврдејќи дека “ги занемарува” нормите на меѓународното право.
– Законот за еврејската држава усвоен во израелскиот парламент ги игнорира нормите на меѓународното право и ги игнорира правата на Палестинците – се вели во соопштението на министерството.
Турција ја повика меѓународната заедница да се спротивстави на законот и нагласува дека таков закон може да значи крај на решението за две држави, објави палестинската новинска агенција Вафа.
Извор:(Vijesti / ФЕНА)
Церемонија на колективното шеријатско венчавање за 60 парови, во организација на Меџлисот на Илсмаката заедница во Сараево, во соработка со Хуманитарната организација МФС-ЕМАМАС и нивните партнери од Обединетите Арапски Емирати, се одржа денеска пред Истиклал џамијата во Отоци.
Двојките кои аплицирале за венчавка веќе пристигнале, и сите од нив можеле да земаат уште четири лица како придружба.
За младоженеците беа обезбедени костуми и кошули, а за младите невести фустани со украси и марами. За сите младенци, исто така, бил обезбеден и подарок во износ од 500 КМ.
Бидејќи според правилата на Исламската заедница на Босна и Херцеговина шеријатската венчавка може да се направи само после општинската, овој пат е направен исклучок, така за ова колективно венчавање можеле да се пријават сите младенци кои имаат закажан термин во некоја од општините во текот на јули.
– Денешниот чин на 60 нови брачни двојки ќе сведочи и ќе се стреми да ќе живее живот во согласност со вредностите на здрави општества во заедницата во која живееме. Како да го пренесеме еманатот на оваа вера и како да ја пренесеме грижата за татковината доколку немаме цврста и силна заедница и семејство – истакнал во својата изјава имамот на Централната џамија во Илиѓа и еден од имамите што ја извршија денешното колективно шеријатско венчавање Ресул ефендија Алиќ.
Бракот е еден од подароците на Аллах кон луѓето преку кои се промовираат универзалните вредности на човештвото, како што се љубовта и семејниот живот, како предуслов за одгој на индивидуата и подобро општество во кое живееме. Затоа, Исламската заедница на овој начин се обидува да ги промовира семејните вредности, особено кога се ‘поголем број млади луѓе решаваат да не стапат во брак, истакнал Един Спахиќ, портпарол на Исламската заедница во Сараево.
– Знаеме дека семејството е темел на опстанокот на една нација и пристаниште на спокојството, и од таа причина Меџлисите на Исламската заедница одлучија да им помогнат на младите двојки да се омажат на овој начин. На овој начин сакаме да кажеме дека бракот е нешто што треба да го практикуваме и нешто што носи берекет во нашите животи – додал Спахиќ.
Според него, Исламската заедница Меџислис ќе се обиде да го одржи контактот со брачните парови во иднина, а донаторите кои дадоа подароци за младенците најавија дека постои можност и стипендија за образование на нивните деца кога ќе дојде време за нив.
По повод свеченоста што следеше после венчавката, на младенците им се обратиле градоначалникот на Сараево Абдулах Скака, како главниот имам на Меџлисот на ИЗ на Сараево Кенан ефендија Мусиќ. Двајцата говорници го истакнале значењето од стапување во брак за сите млади луѓе.
“Ова е голем ден за вас и сакам постојано да се сеќавате и цел живот да се сакате како што се сакате денес, порачал Скака честитајќи им на младите.
По венчавката, за сите била организирана вечера во Хотелот Хилс во Илиџа. После церемонијата пред џамијата Истиклал, младенците и придружниците со автобуси биле превезени до хотелот.
Извор: Фактор
Здружението на новинарите на Македонија го осудува вчерашниот инцидент во Клубот на пратеници кога полицијата спречи фоторепортери да го сликаат моментот на пристигнувањето на претставниците на партиите на лидерската средба поради безбедносни причини, а раководителот на владината служба за односи со јавност Марјан Забрчанец, упатил непримерни коментари кон медиумските работници зошто реагирале на ограничувањата.
Предупредуваме дека овие инциденти претставуваат директен напад врз слободата на медиумите и обид да се криминализира работата на медиумските работници, кои пред јавноста треба да се претставуваат како опасни луѓе. Дополнително, ваквите непотребни инциденти сериозно ја компромитираат и заложбата на новата власт за транспарентно и отчетно владеење и ни ги враќаат сенките од минатото.
Потенцираме дека ако имало безбедносни причини за воведување на нова практика на следење на јавни настани тогаш полицијата навремено требало да ги извести фоторепортерите и снимателите за тоа и да обезбеди алтернативен начин на покривање на настаните со ваков безбедносен ризик без да се предизвика забуна и нервоза.
Укажуваме дека обврска и на Владата е да обезбеди пристап на медиумските работници до сите настани од јавен интерес и да осигура услови за непречена работа без притисоци или закани. Секое поинакво однесување нема да ја подобри состојбата со слободата на говорот и ќе ја задржи Македонија на дното на светските листи за овие слободи.
Работата на новинарите, фоторепортерите и другите медиумски работници мора да биде ослободена од какви било закани и притисоци, а државата во согласност со член 10 од Европската конвенција за човекови права е одговорна за преземање на сите активни мерки со цел да се создаде и одржува поволна клима за слобода на изразување.
Ова денеска го порача Советот за етика во медиумите на Македонија (СЕММ) во врска со вчерашниот случај во кој на неколку фоторепортери им бил ограничен пристапот во работата за време на лидерската средба во Клубот на пратеници и побара од Владата на Република Македонија да го разгледа случајот.
– Служењето на претставници на власта со непримерен речник и дрскост во односот со медиумските работници е недозволиво, што е, исто така, во спротивност со одредбите во Етичкиот кодекс за државниците службеници, се истакнува во соопштението на СЕММ.
Токму затоа, велат од СЕММ, од службата за односи со јавноста и воопшто од претставниците на власта се очекува да покажат максимално разбирање за потребите на медиумските работници и да ги обезбедат неопходните услови за непречено остварување на нивните права и интереси.
-Државата и нејзините институции мора да имаат предвид дека е потребно континуирано да имаат афирмативна улога во поттикнувањето на слободата на медиумите, слободата на информирањето и слободата на изразување. Секаде каде што овие слободи се под ризик, ќе биде под ризик и улогата на медиумите во демократските процеси и владеењето на правото, потенцираат од СЕММ.
Самостојниот синдикат на новинарите на Македонија (ССНМ) бара итно од Владата на Република Македонија да ја испита ситуацијата во која тројца фото-репортери биле оневозможени да работат и при тоа биле изложени на ароганција и непримерно однесување од страна на преставници на власта,а под изговор на „безбедносни проценки“ на почетокот на лидерската средба.
Во изминативе години многу неправди, притисоци и злосторства врз медиуми и медиумски работници се извршени под максимата „согласно Уставот, законите и процедурите“ поради што најостро отфрламе секаков обид ароганцијата, затвореноста и третирањето на новинарската фела со потценување да бидат објаснети со безбедносни или каков било друг вид “проценки“.
Воедно потсетуваме дека ние сме тие кои секогаш први ги чувствуваат сигналите на недемократските практики, но како што докажавме и досега, ниту во минатото ниту сега нема да молчиме.
Ако 11 години се боревме против газењето на новинарската заедница, во услови на, како што власта љуби да каже, „режим“ тогаш во оваа „демократија“ ќе бидеме уште погласни и непомирливи во борбата за достоинство на секој припадник на професијата, велат од ССНМ.
Извор:НоваТВ
Лидерот на ДУИ, Али Ахмети на денешниот прием по повод поканата од НАТО за членство на Македонија во алијансата, изјави дека предвремени парламентарни избори не се решение за моменталната политичка состојба во државата, каде во моментов опозицијата жестоко се спротивставува на барањето на Владата членовите на ДИК да се избираат со апсолутно мнозинство, наместо со двотретинско.
Опозицијата исто така бара и техничка влада за одржување на предвремени избори и референдум.
Во поглед на лидерската средба, која што ќе се случи денеска, Ахмети рече дека сите политички фактори во државата треба да соберат сили и да ги приближат ставовите.
Ахмети уште еднаш истакна дека во однос на предлог-законот за промена на избирниот законик остануваат несогласувањата со опозицијата.
Лидерот на ДУИ додаде дека нема алтернатива доколку не успее референдумот.
Извор:Мета
Националниот совет за евроинтеграции денеска во Собрание одржа седница каде присуствуваше и еврокомесарот Јоханес Хан, кој официјално го инаугурираше почетокот на скрининг процесот за подготвеноста на земјата за почнување на пристапните преговори.
На седницата се обрати и претседателот на Здружението на новинарите на Македонија, Насер Селмани, кој е член на Советот како претставник на граѓанскиот сектор.
Во прилог е интегралниот говор на Селмани:
Почитувани дами и господа, почитувани прјијатели од Европа,
Во името на македонските новинари би сакал да испратам неколку пораки до почитуваните присутни.
Првата е до Комесарот Хан. Драго ми е што зајакнува свеста во Европската унија дека Балканот е дел од Европа. Корените на европската цивилизација се на Балканот.
Ве замолувам, во наредниот период во процесот на пристапување на Македонија во ЕУ, посветете повеќе внимание на медиумските реформи. Слободни и професионални медиуми се кислород на секоја демократија. Македонската демократија има потреба од многу кислород. Професионалните медиуми се најдобар лек против злоупотребите на секоја власт. Втората е до власта. Има промена во медиумите, но тие промени се далеку од тоа да бидат одржливи. Ние како новинарско здружение соработуваме и ќе соработуваме со Вас, но мора да се договориме за неколку основни принципи.
Мора да прекине политиката на неказнивост на насилството врз новинарите. Бројот на напади е намален последната година, полицијата новите напади ги расчистува поефикасно, но за жал досега ниту еден од насилниците не е изведен пред лицето на правдата.
МВР тврди дека не може да ги обнови истрагите за старите напади врз новинарите од времето на претходната власт бидејќи тие се воделе непрофесионално, а во некој случаи биле уништени и докази. Ако не може да се обноват истрагите, тогаш можете да побарате кривична одговорност за раководителите во полицијата што воделе неквалитетни истраги и што уништувале докази.
За политиката на неказнивост на напади на новинари немојте да се криете зад обвинителството. Новиот обвинител е избран од новата власт, седнете и разговарајте со него како да се забрзаат истрагите во кои новинарите се жртви.
Погрешен ви е пристапот со реформата на јавниот сервис. Реформа нема да има со помалку пари за МРТ. Лани намаливте 40 посто од буџетот на МРТ, сега со ребаланс ќе давате нови три милиони евра. Со тоа се потврди нашето укажување дека 12 милиони евра годишно за МРТ се премалку за да се зајакне независноста и да се подобри квалитетот на програмата. Системот на финансирање мора да биде ослободен од политички влијанија и тој не смее да зависи од волјата на владата.
Третата порака е до опозицијата. Немојте да го блокирате донесувањето на Законот за аудио и аудиовизуелни медиумски услуги затоа што ве убедуваме дека предложените измени, со исклучок на моделот на финансирање на МРТ, се добри за медиумите. Вашиот глас ќе одлучи за изборот на новите управни органи во МРТ и Агенцијата за медиуми затоа што во законот е предвидено двотретинско мнозинство. Дозволете овој закон да помине затоа што имате многу други закони со кои можете да се пазарите со власта.
Последната порака е до моите колеги. Поголема слобода значи и поголема одговорност. Во вашата работа верно применете ги принципите на Кодексот на новинари.
Пред оддржување на брифингот на Доналд Трамп и Владимир Путин после состанокот во Хелсинки, морало да реагира обезбедувањето. Како јавуваат новинарите кои се на прес-конференција, членовите на тајната служба исфрлиле новинар на американскиот весник исфрлени од страна на новинарите на американскиот весник “The Nation”.
Мажот имал транспарентен: “Забраната за нуклеарно оружје”. Додека го изнесувале, тој извикувал. Во тоа време, двајцата претседател се повлекле во друга соба соба, пренесе Хина.
Инаку Путин, порачал дека САД и Русија, како земји со нуклеарно оружје, исто така, имаат голема одговорност за стабилноста во светот и треба да продолжат да работат на разоружување.
Тој, исто така, негираше дека Русија се мешала на претседателските избори во САД на кои победи Трамп. Тој го пофали американскиот колега за нормализирање на односите со Северна Кореја.
Извор:(Vijesti)