ОСИЕК (AA) – Фудбалската репрезентација на Хрватска синоќа во првото коло од УЕФА Лигата на нации (во група 1 од Лигата А) на стадионот во Осиек неочекувано е поразена од селекцијата на Австрија со резултат 0:3, известува Агенција Анадолија (АА).
Австрија поведе во 41. минута со погодокот на Марко Арнаутовиќ. Во 54. минута гостите поведоа со 0:2 преку Михаел Грегорич, а три минути подоцна Марсел Забицер ги постави конечните 0:3.
Фудбалерите на Хрватска во продолжението од средбата се обидоа да постигнат погодок, но резултатот остана непроменет, па Австријците си заминаа со три бода.
Репрезентацијата на Белгија во групата 4 од Лигата А во Брисел е декласирана од Холандија со резултат 1:4. Головите за Холандија ги постигнаа Стивен Бергвајн, Дензел Дамфрис и два гола постигна Мемфис Депај. Единствениот погодок за Белгија го постигна Миши Батшуаји во судиското продолжение.
Резултати од вчера одиграните натпревари:
Хрватска – Австрија 0:3
Белгија – Холандија 1:4
Франција – Данска 1:2
Латвија – Андора 3:0
Лихтенштајн – Молдавија 0:2
Белорусија – Словачка 0:1
Казахстан – Азербејџан 2:0
Anadolu Agency