Агро бизнис

Распишавме четири нови јавни огласи преку кои на располагање ставаме 4.294 хектари државно земјоделско земјиште до 3 хектари, распределени во 31 регион низ државата, објави министерот за земјоделство Љупчо Николовски.

„Земјоделското земјиште кое се дава на закуп со овие јавни огласи е со намена за подигнување на долгогодишни насади и оранжерии за период до 30 години, подигнување на долгогодишни насади со лешник за период до 70 години, подигнување на маслинарници за период до 50 години, поставување на пчелни семејства за период до 15 години, ливади за период до 15 години, одгледување на брзо растечки дрвја на замјоделско земјиште кое се наоѓа на надморска висина над 700 метри за период до 30 години, рибници до 20 години и спортско-рекреативни активности за рурален туризам до 30 години“, напиша тој во својата објава.

Nova Tv

Во кочанскиот регион почна полнењето на нивите со вода и сеидбата на оризот од овогодишната производствена реколта, за која се планира да се насеат околу 4.000 хектари.

За да се запази оптималниот рок за сеидба и да се искористи зголемениот водостој, за почеток се зафаќаат проточните води од реките во регионот, а во почетокот на идниот месец да почне искористувањето и на капацитетите на акумулациите од хидросистемот „Брегалница“.

На официјалниот старт на наводнителната сезона присуствуваа министерот за земјоделство, Љупчо Николовски и директорот на АД Водостопанство, Локман Љимани, при што беше нагласено дека со подготвеноста на каналската мрежа и акумулираните количини вода годинава може да се очекува успешно производство на оризот, но и на другите земјоделски култури во државата.

„Во моментот вкупната количина во браната Калиманци изнесува 114 милиони метри кубни, но до почетокот на користење на нејзиниот капацитет очекуваме акумулираната вода да се зголеми. Дополнително, во браната Гратче имаме над два милиони кубни метри, така што тие количини се сосема доволни со успех да ја завршиме наводнителната сезона за оваа година. Во текот на изминатаите месеци, вработените и механизацијата во подружницата „Брегалница“ во Кочани исчистија повеќе од 200 километри земјени канали, а на десниот магистрален канал навремено е завршена санацијата на бетонските оштетувања. Очекуваме дека над 8.000 водокорисници во регионот ќе бидат задоволни од услугите и успешно ќе ја завршат производствената сезона“, истакна директорот Љимани.

Иако се прават пресметки за висината на надоместот што земјоделците треба да го плаќаат за користење на услугите за наводнување, директорот на АД Водостопанство најави дека засега ќе нема покачување на цената.

„Nova Makedonijal“

Засилени полициски контроли бараат земјоделците од Кочанско откако како што велат, крадци им ги сардисале селата. Тврдат дека неканетите гости присвојуваат буквално се и сешто, но најчеста мета се земјоделската механизација и алатки. Таков е случајот и со Стојан Стојменов од село Теранци. Ноќта на Бадник натрапници му го украле тракторот паркиран во дворот, кој и по два месеци се уште не е пронајден.

  „На 6-ти јануари во 4часот сабајле ми го украдоа тракторот од дворот. Пијавивме. Полицијата не дојде на лице место на увид. Наместо тие да дојдат на увид, син ми беше кај нив. Ги препродават. Ова не е единствен случај. Има украдено три трактори  и коли и комбиња. Ова е срамота што работи полицијата„-изјави Стојан Стојменов, земјоделец од с.Теранци.

Дрските крадци ги празнат и амбарите полни со пченица и ориз. Пред камерата на Алфа сведочи и земјоделецот Ристо Аврамов од с.Облешево на кој натрапниците му го десеткувале амбарот.

  „Лани ми ја украдоа пченицата што ја извадив обработувајќи декар и половина земја. Бев, пријвив и никому ништо. Им кажав кои се , но никој не презема мерки„ -вели Ристо Аврамов, земјоделец од с.Облешево.

Земјоделците се категорични. За да си го заштитат крваво спечалениот имот ако треба и ќе дежурат во смени. Од штипската полиција потврдуваат дека за помалку од половина година се украдени три трактори и ниту еден случај не е расветлен. Неретко, објаснуваат нашите соговорници, мета на крадците се и теглите со зимница и се она што успеале да го произведат на нивите, но тешко кои од нив се решаваат да пријават во полиција.

[embedyt] https://www.youtube.com/watch?v=b96-QWRW46g[/embedyt]

Alfa

 Почна откупот на тутунот од годинашната реколта. Денеска се отворени 20 од 173 откупни пункта во државата. Пунктови отворија Прилепскиот тутунски комбинат, „Сокотаб“ од Битола и „Алијанса“ од Кавадарци. Годинава се склучени договори за околу 22.200 тони тутун.

Тутунарите очекуваат добра цена бидејќи велат дека тутунот е квалитетен.

– Донесов околу 500 до 600 килограми тутун за процена. Тутунот е квалитетен и очекувам добра цена за разлика од лани, изјави тутунарот Методија Ѓорѓиоски.

За претседателот на тутунското здружение „Мице Козар“ од Прилеп, Злате Дамески, реално е тутунарите да очекуваат добра цена поради квалитетот и апелираат да носат тутун од сите класи.

– Квалитетот е добар и очекуваме добра откупна цена. Првиот ден во Прилепскиот комбинат го потврдува тоа. Ќе видиме наредните денови како ќе биде. Апелирам тутунарите да носат за откуп род од сите класи, изјави Дамески.

И координаторот на четирите новоформирани тутунски здруженија Игор Мирчески вели дека ќе следат како тече откупот. Очекуваат и Сојузот на земјоделските здруженија и Земјоделскиот инспекторат будно да го следат откупот.

– Еве, три компании почнаа со откуп на тутунот. Во „Сокотаб“ не тргна според очекувањата, но ќе почекаме со оценките како ќе биде наредните денови. Бараме Сојузот на земјоделските здруженија со поверениците да го следи откупот, како и Земјоделскиот инспекторат да биде буден на теренот, изјави Мирчески.

Проценителите на вагите во Прилепскиот тутунски комбинат потврдуваат дека тутунот е поквалитетен и се надеваат дека и производителите ќе бидат задоволни.

Директорот на Прилепскиот тутунски комбинат Кире Станкоски се надева дека откупот ќе тече без проблеми. Од четврток ќе се отворат пунктовите во населените места, а исплатата ќе биде за еден ден.

– Без проблеми почна откупот на тутунот во Комбинатот. Од денес се откупува на пунктот во градот, а од четврток ќе бидат отворени 21 откупен пункт со 31 вага во населените места. Потврдено е дека родот годинава е добар и се очекува далеку повисока откупна цена од лани, изјави Станкоски.

Според директорот на Земјоделскиот инспекторат Зоран Шапуриќ, сите компании треба да ги отворат пунктовите до 15 декември.

– Откупот почна на 20 од вкупно 173 откупни пункта во земјава. Од осумте компании уште една деновиве треба да достави гаранција за исплата. За годинашнава реколта се потпишани договори за околу 22.300 тони тутун. Родот е квалитетен. Очекуваме добар тек на откупот, а инспекторатот секако ќе биде на терен да ја следи откупната кампања, изјави Шапуриќ.

Откупот официјално трае до 31 март наредната година.

Nova Tv

Оризопроизводителите во Кочанско ја имаат најдолгата жетва досега, трае веќе два месеца, иако земјоделците се жалат дека неповолното време придонело жетвата да биде неколку пати прекинувана. Влажноста не дозволува комбајните да влезат во нивите и да извршат квалитетна жетва поради полегнатите кластови.

Има атари во Кочанско чии оризопроизводители не само што не ја завршиле жетвата, туку и се откажуваат од натамошно прибирање на родот за да немаат дополнителни трошоци за комбајните, наспроти крајно ниските цени од 15 денари што ги добиваат за арпата (нелупен ориз) од откупувачите.

„Влегуваме само во трошоци. Зошто да даваме пари за комбајните од 10.000 денари за хектар кога родот веќе е уништен. А и тој што досега е собран е неисплатлив затоа што го откупуваат за џабе“,  вели оризопроизводител Станојко Манојлов, кој веќе е со намера да се откаже од оризовата култура.

Разочаран од состојбите и односот кон земјоделецот е и еден од најагилните преставници на кочанските оризопроизводители, Здравко Арсов од Облешево, кој воопшто не е оптимист за посветла иднина на оризовата култура, туку напротив предвидува дека оризот ќе биде избришан како култура која повеќе ќе ја нема во Кочанското Поле.

„Ќе го произведуваат само фабрикантите кои ја преработуваат арпата и како по договор диктираат ниски цени и ни го откупуваат по 15 или 16 денари за килограм како да е неквалитетен, а својот ориз што го имаат на стотици хектари го третираат како прва класа и по висока цена го извезуваат во Србија, Косово и поранешните Ју-републики. Досегашните разговори што ги водевме со власта не вродија со плод. Тоа беа само муабети со ветувања дека ќе се реши проблемот, дека ќе се реши и откупната цена, ќе се даваат субвенции, зелена нафта и се остана на тоа, ќе, ќе и толку. Се врши селективност на дополнителните субвенции од 3,5 денаи за предаден килограм арпа. Најмногу добиваат откупувачите и тоа по 2 денара за секој извезен килограм бел ориз, а токму тие се главните извозници“, вели Арсов.

Според него, од досегашните разговори што ги имале со преставници на Владата, немало обврзувачки документ, записник од договореното, па излегува дека разговорите останаа само ветувања. Сега, по оставката на министерот за земјоделство и со она што се случува со најновите настани во државата, тие повеќе и нема со кого да се разговараат.

„Голем број земјоделци во чии амбари има сѐ уште ланска реколта, сега се надополнуваат со новата оризова арпа со надеж дека ќе се оствари некоја поволна откупна цена. Но, тешко е до тоа да дојде затоа што откупувачите знаат дека оризопрозиводителите заради измирување на комуналните и другите обврски за струја, вода и целосно заради егзистенција на семејствата ќе бидат принудени да ја даваат арпата по понудените откупни цени. Тоа е случај и со мене“, вели Арсов.

Во Кочанско оризот е застапен на 4.200-4.500 хектари, но голем број производители најавуваат дека се откажуваат од оризопроизводството кое станува недоходовна гранка. Годинашниов род се цени најмногу на 22 илјади тони оризова арпа до 16.000 тони бел ориз, од кои околу 60 проценти ќе биде наменет за извоз, а речиси 7.000 тони за потребите на домашниот пазар.

„SDK“

Крстески при ланскиот откуп добил просечна цена од 150 денари за килограм, со критики дека ниту еден килограм тутун не му бил ценат како прва класа, па отворено си го поставува прашањето дали е можно на толкави обработени количини, тоа да се случи од страна на откупувачите.

Ја поздравуваме одлуката да се укине четвртата класа, ако цените за откуп на тутунот останат исти или се со тенденција да се покачат, ако биде спротивно тогаш укинувањето на 4 класа е на штета на тутунарите, вели прилепчанецот Деан Крстески (50), кој својата егзистенција ја обезбедува главно од производство на тутун.

Крстески, како земјоделец обработува тринаесет декари тутун, 10 декари капија, 20 декари житни култури. Неговите ниви се во атарите помеѓу Мало Коњари и Кадино село.

Годишно произведува околу 2 до 3 тони тутун, како што вели во зависност од годината, а при ланскиот откуп добил просечна цена од 150 денари за килограм, со критики дека ниту еден килограм тутун не му бил ценат како прва класа, па отворено си го поставува прашањето дали е можно на толкави обработени количини, тоа да се случи од страна на откупувачите.

„Од мало дете сум поврзан со тутунот, како и секој друг прилепчанец, од тутунопроизводство егзистира мојата три члена фамилија, но и фамилиите на двајца работници кои се постојано ангажирано кај нас, вели Деан.

Ноември е месец кој носи многу неизвесности, радости и загриженост кај тутунарите, токму поради почетокот на откупот на тутунот од новата реколта, како ќе им биде ценет и платен родот. Таа неизвесност го обзема и Деан кој пак рационално размислува кој потег на МЗШВ и откупувачите ќе биде во корист или на штета на тутунарите,

„Тутунарите се исплашени и манипулирани. Ќе ви кажам зошто, ако надлежните постапиле човечки и во корист на тутунарите со намера да им помогнат добро е да се укине четвртата класа, но ако имаат задни намери со потпишувањето на анексите да се симни цената на втората, да се симни третата класа, тогаш тутунарите ќе бидат во загуба. Ќе потенцирам, доколку откупните цени останат исти по класи со тенденција да се зголемат, тогаш таа одлука ја поздравуваме“, вели Крстески.

Прва класа чини 280 денари за килограм, втора 200, трета 150 денари, четврта 75, од дополнителната прва класа е 85 денари, и втора дополнителна 64 денари. Мувлосаниот тутун е 14 денари за килограм.

Всушност размислувањето на Деан оди во насока дека укинувањето на дополнителните класи и четвртата класа е најдоброто за оваа реколта што го направил овој министер.

„Повеќе нема откуп на тутун за 100 до 130 денари просек, нема барем оваа година народ да ни умира на откупи, затоа што чесно, без пријатели отишол да го продаде сработеното…

Но, ценењето во три класи не им одговара на тутунари кои секоја година, или со пријатели, или со подмитување им поминуваше нивниот тутун повеќе отколку на останатите. Тие тутунари се гласноговорници дека има потреба од повеќе класи, како да им се портпароли на големите газди, откупувачите. Што мислите, зошто толку остро се спротивставуваат откупувачите на ценење на три класи? Мислите ли дека ним им е жал за тутунарите?. Не, напротив  ги интересира профитот, критикува Деан потенцирајќи дека следува борба за зголемување на цените по класи. Најмногу да се зголеми третата класа, но следува и борба за укинување и на увозот на тутун, се додека не се откупи целото домашно производство.

Бев учесник на протестите кои се одржаа ланската година. Таму, од тутунопроизводителите, народот, имаше јасно барање-укинување на четвртата класа и дополнителните класи. Тоа произлезе од фактот што откупувачите манипулираат со четвртата класа, злоупотребувајќи ја за да би откупиле тутун со врвен квалитет по мизерни 70 денари, колку што изнесуваше таа четврта класа. Народот беше немоќен, затоа што секој производител кој би побарал мислење од второстепена комисија, би останал за идната реколта без склучен договор“, критикува Деан.

Крстески накрај вели дека годинава плодните пелагониски ниви дадо род со висок квалитет. Тутунот е со одличен квалитет далеку подобар од лани, па од таму не гледа зошто тутунот да се цени во 4 класа.

„Zelenaberza“