Албанскиот министер за надворешни работи, Дитмир Бушати, одбил да учествува на конференција на министрите за надворешни работи на земјите од Западен Балкан во Бања Лука, чиј домаќин е Игор Црнадак, министер за надворешни работи на БиХ, јави АТА.
Бушати одбил да дојде, бидејќи Косово не доби официјална покана да учествува на собирот.
– Почитувањето на државата Косово и нејзиното активно учество на регионални и меѓународни конференции се уште е највисок приоритет за албанската дипломатија – беше објавено денес.
Портпаролката на Министерството за Европа и надворешни работи на Албанија, Едлира Пренди, изјави за АТА дека Бушати преку писмо го информирал на Црндак за својата одлука, изразувајќи жалење поради фактот што поканата за Косово недостасува и дека тој нема да присуствува на конференцијата.
Според агенцијата, Бушати истакнал дека не може да има рационална и корисна дискусија за европскиот пат кон Западен Балкан, без присуство на сите држави и духот на разбирање, почитување и вклучување.
Конференцијата во Бања Лука се одржува под наслов “Западен Балкан и членство во ЕУ: посилна регионална соработка за побрз процес на интеграција во ЕУ”.
Заменик-шефот на дипломатијата на Македонија Бујар Османи, исто така, ја откажал конференцијата од истата причина како и албанскиот министер.
– Претходно го потврдив учеството на оваа конференција, но откако Косово не беше покането, решив да не учествувам “, истакнал тој притоа, додавајќи дека” сметам дека фактот дека Косово не е поканет, нема да и помогне на оваа конференција каде ќе разговара за регионалните прашања “.
Извор:Faktor
