Небото над Дубаи на 31 декември ќе биде осветлено со мноштво импресивни огномети, па така овој град ќе биде една од најинтересните дестинации за дочекот на Новата година.
Фокусот ќе биде ставен на знаменитостите на градот, вклучувајќи ја и највисоката зграда на светот – Бурџ Калифа. Планирано е и спектакуларно шоу долж обалата на Дубаи, а огнометот би требало да трае 20 минути.
Организаторите се оптимистични дека на овој начин ќе го прикажат успехот на Обединетите Арапски Емирати, а спектаклот ќе биде приреден и за да се сруши светскиот рекорд за најголем огномет, што ќе биде уште поголема причина за славење, пренесуваат арапските медиуми.
Се најавува дека дочекот на Новата година во Дубаи со сигурност ќе остане во сеќавањето на сите жители и посетители, а Дубаи на овој начин ќе го одбележи крајот на една многу успешна година, чиј врв беше добивањето на организацијата на светската изложба “Expo 2020”.
