Не се знае дали егзотичниот возен парк влијае на делотворноста на полицијата во Дубаи, но по примерот на промотерите на законот, и тамошните пожарникари одлучија себеси да се почестат со малку луксуз.
Само како потсетување, полицијата во Дубаи во изминатите неколку месеци во својата флота на автомобили додаде неколку луксузни модели, помеѓу кои се: “Bugatti Veyron”, “Aston Martin One-77”, “Lamborghini Aventador”, “Ferrari FF”, “Audi R8”, “Nissan GT-R” и “Mercedes AMG”.
Но, во споредба со полицајците, тамошните пожарникари се вистински аматери, пред се затоа што вредноста на нивната автомобилска принова се изразува во само неколку десетици илјади евра.
Со новиот “Corvette Stingray” автомобил, кој во изминатите неколку месеци ги освојува членовите на стручните жири комисии ширум светот, пожарникарите во Дубаи го заменија досегашниот модел “C6 Corvette”.
