Американскиот претседател Доналд Трамп упати закана до Иран на својата социјална мрежа Truth Social.
„Цела цивилизација ќе умре вечерва и никогаш нема да се врати. Не сакам тоа да се случи, но веројатно ќе се случи. Сепак, сега кога имаме целосна и тотална промена на режимот, во која ќе преовладуваат различни, попаметни и помалку радикализирани умови, можеби може да се случи нешто револуционерно добро – КОЈ ЗНАЕ? Ќе дознаеме вечерва, во еден од најважните моменти во долгата и сложена историја на светот.
47 години изнуда, корупција и смрт конечно ќе завршат. Бог да ги благослови големите луѓе на Иран!“, објави Трамп.
Реакциите од европратениците доаѓаат, но нема официјална осуда од Брисел.
Осудата на објавата на Трамп е оставена на неколку членови на Европскиот парламент.
„Таквиот геноциден јазик од претседателот на Соединетите Американски Држави е срамен“, рече Бери Ендрус, ирски европратеник од центристичката група Renew Europe. Пратеникот од Зелените, Ерик Марквард, го осуди „опасниот лудак во Белата куќа“ и повика „да се запре и тој и неговите заблуди“.
„Не знаеме точно што планира, но нешто вакво не може едноставно да се игнорира“, рече германската пратеничка Озлем Алев Демирел од Левицата, предупредувајќи на опасноста од нуклеарен напад.
(Vijesti.ba)
