Турскиот претседател Реџеп Таип Ердоган денес го осуди „пиратскиот чин“ на Израел против глобалната хуманитарна флотила „Сумуд“, која пловеше кон Газа за да достави помош на „угнетените Палестинци“, објави Анадолу.
Нападот на Израел врз цивили во меѓународни води докажува дека „геноцидниот апарат е во состојба на бес за да ги прикрие своите злосторства во Газа“, рече Ердоган за време на состанокот на покраинските лидери на Партијата за правда и развој (АК Партија).
– Геноцидната влада на Нетанјаху не може да толерира ниту најмала шанса за воспоставување мир. Глобалната флотила „Сумуд“ уште еднаш му ја покажа на светот бруталноста во Газа и убиственото лице на Израел, рече Ердоган.
Тој рече дека „ние нема да ги напуштиме нашите палестински браќа и сестри и ќе работиме со сите наши сили за да обезбедиме прекин на огнот и да го вратиме мирот“.
Турските власти ги следат случувањата и преземаат мерки за да се осигурат дека цивилите на флотилата нема да бидат повредени, нагласи Ердоган.
