Тоа беше последната закажана размена според првата фаза од договорот за прекин на огнот меѓу Хамас и Израел.
Неколку Палестинци поради сериозноста на раните биле пренесени со брза помош во Европската болница во Кан Јунис во јужниот дел на Газа. Многу Палестинци беа испратени и во Египет и окупираниот Западен Брег.
Ала ал Бајари, Палестинец ослободен во Газа, изјави за Ал Џезира дека бил сведок на „мачење, тепање, понижување и се што можете да замислите“ додека бил во израелски затвор. За прв пат ја запознал својата едногодишна ќерка.
– Не држеа голи, ни полеваа со вода, а потоа користеа струја за да не мачат – рече тој.
Јахја Шрида, палестински затвореник кој беше ослободен во Рамала, ги опиша израелските затвори како гробишта.
– Извадени сме од маките. Како да сме ископани од нашите гробови. Тоа што го поминавме е товар што планините не можат да го поднесат. Многу е тешко да се објасни, многу е тешко да се зборува за тоа низ што поминавме – изјави тој за новинската агенција Ројтерс.
Новинарот на Ал Џезира, Тарек Абу Азум, известувајќи од Газа, рече дека некои Палестинци се вратиле со отсечени екстремитети, а други претрпеле тешки повреди од израелската тортура во притвор.
– Многу членови на семејството пукнаа во солзи откако ги видоа своите најблиски – рече Абу Азум, додавајќи дека оние што биле ослободени „потврдиле дека биле сведоци на некои од најлошите методи на тортура од рацете на израелските окупаторски сили“.
Целосна посветеност на договорот
Снимката споделена на интернет од Кудс њуз мрежата покажува членови на семејството и ослободени Палестинци како плачат по пристигнувањето во Газа.
На една снимка се гледа како член на семејството жали за исцрпената состојба на нивниот ослободен роднина, велејќи: „Види ја разликата, о Боже!“
На собир во градот Џенин на Западниот Брег, снимката покажа дека ослободениот затвореник Луај Сабне се среќава со својот син Џабал за прв пат по неколку години затвор.
Претходно Хамас преку Црвениот крст на Израел му ги предаде телата на четворица затвореници.
Израелскиот претседател Исак Херцог рече дека телата се идентификувани како Охад Јахаломи, Цачи Идан, Ицик Елгарат и Шломо Манцур.
Во соопштението, палестинската група ја обнови својата „целосна посветеност“ на договорот за прекин на огнот и подготвеноста да влезе во преговори за втората фаза.
Исто така, се вели дека обидите на израелските власти да го попречат ослободувањето на затворениците „пропаднале“, додавајќи дека тоа значи дека тие „немаат избор“ освен да започнат преговори за втората фаза од договорот за прекин на огнот.
Групата, исто така, ги повика другите земји да „престанат со двојните стандарди“ во нивниот дискурс во однос на израелските затвореници, без да го спомнат злоставувањето што го трпат палестинските затвореници, пренесува Ал Џезира.
