Интервалот помеѓу почетокот на симптомите и смртта во повеќето случаи е 48 часа, што предизвикува сериозна загриженост, рече Серж Нгалебато, директор на болницата Бикоро, регионален центар за следење на болеста, пренесе АП.
Избувнувањето на болеста во Конго започна на 21 јануари, со 419 случаи, вклучително и 53 смртни случаи.
Според информациите од африканскиот оддел на СЗО, првиот случај во населбата Болоко започнал откако три деца изеле лилјак и починале 48 часа по појавата на симптомите на треска, пренесува Танјуг.
Постои долгогодишен страв од пренос на болести од животните на луѓето во регионите каде дивечот е популарен извор на храна.
СЗО изјави дека бројот на вакви епидемии во Африка е зголемен за повеќе од 60 проценти во последната деценија.
По второто избивање на болеста во населбата Бомате на 9 февруари, примероци од 13 случаи биле испратени на тестирање во Националниот институт за биомедицински истражувања во Киншаса, пренесува Независне.
Сите примероци беа негативни за ебола и други вообичаени хеморагични трески како Марбург. Некои примероци биле позитивни на маларија.
Минатата година, слична мистериозна болест слична на грип, која однесе десетици животи во друг дел на Конго, најверојатно била маларија, се вели во извештајот.
