Израелската војска ја презеде одговорноста за смртоносниот воздушен напад врз училиште на Обединетите нации (ОН) во централниот дел на Појасот Газа во четвртокот, тврдејќи дека целта биле борци на Хамас.
Во нападот загинаа најмалку 18 лица, меѓу кои жени и деца и шест членови на персоналот на Агенцијата на Обединетите нации за помош и работа за палестинските бегалци на Блискиот Исток (UNRWA).
Нападот беше извршен врз училиштето Ал-Џауни во бегалскиот камп Нусејрат, каде што се засолниле околу 12.000 раселени цивили.
Во соопштението на израелската војска се вели дека тие биле насочени кон „оперативци на Хамас кои дејствувале во командно-контролен центар основан во комплекс што претходно служел како училиште Ал-Џауни во областа Нусејрат“.
Како што понатаму се наведува, „досега е потврдено дека во нападот се убиени девет членови на Хамас“.
Израелската војска, исто така, ги објави имињата на лицата на кои наводно биле мета, тврдејќи дека тројца од нив работеле како вработени во УНРВА во Газа.
Во последниве месеци, Израел постојано ги гаѓаше училиштата во кои се наоѓаат засолништа за раселените цивили, правејќи масакри во кои примарни жртви се жените и децата.
