Турскиот претседател Таип Ердоган во телефонски разговор во четвртокот му пренел на папата Франциск дека нападите на Израел врз Газа се еднакви на масакр и дека молкот на меѓународната заедница е „срамен“, соопшти турското претседателство.
Во разговорот Ердоган рече дека сите земји мора да го кренат својот глас против хуманитарната криза во регионот, се вели во соопштението на Претседателството.
Речиси 600.000 внатрешно раселени жители на Газа се засолнети во 150 објекти на ОН во енклавата, според агенцијата на ОН за палестински бегалци УНРВА. Израелските операции погодија најмалку 40 објекти на УНРВА, соопштија ОН.
Бројот на загинати во Газа се искачи на 6.546, вклучително и 2.704 деца, соопшти Министерството за здравство на Газа, управувано од Хамас. Израелската војска го ажурираше бројот на луѓе кои Хамас потврди дека ги зел како заложници на 7 октомври на 224. Официјалниот број на загинати во нападот на Хамас не е ревидиран од саботата – останува на 1.400, пренесува Ројтерс.
(Vijesti.ba / ФЕНА)
