Претставници на палестинската група Хамас разговарале со руски дипломати во Москва, потврди денес портпаролот на руската влада, пренесува Анадолија.
– Можам да кажам и потврдам дека претставници на релевантното палестинско движење Хамас се во посета на Москва. Што се однесува до контактите, дополнително ќе ве информираме за нивните резултати – изјави Марија Захарова, портпаролка на руското Министерство за надворешни работи на прес-конференција во Москва.
Израел ја бомбардира Газа по ненадејниот напад на Хамас на 7 октомври и ја стави целата енклава под блокада, оставајќи ги нејзините 2,3 милиони жители со малку храна, вода, гориво и медицински материјали.
Во конфликтот загинаа најмалку 7.028 Палестинци, меѓу кои 2.913 деца, 1.709 жени и 397 постари лица. Од друга страна, 1.400 Израелци загинаа во конфликтите.
