Генералниот секретар на НАТО Јенс Столтенберг изјави дека украинскиот град Бахмут, каде се борат руските и украинските сили, наскоро би можел да падне во рацете на Русија.
Столтенберг присуствуваше на состанокот на министрите за одбрана на земјите од Европската унија (ЕУ) во Шведска. Столтенберг, кој даде изјава за новинарите пред средбата, рече дека во последните недели има интензивни судири во и околу Бахмут и дека Русија распоредила повеќе војници овде.
Тој истакна дека руските сили претрпеле сериозни загуби.
– Во исто време не можеме да игнорираме дека Бахмут би можел да падне во наредните денови. Треба да се нагласи дека оваа ситуација нема да биде пресвртница во војната. Ова нагласува дека не треба да ја потценуваме Русија. Мора да продолжиме да ја поддржуваме Украина – изјави Столтенберг.
Тој изјави дека сојузниците на НАТО минатата година и дале на Украина 150 милијарди евра воена, финансиска и економска поддршка, од кои 65 милијарди евра се воена поддршка.
