Инвестициска компанија во Обединетите Арапски Емирати, се спрема да достави понуда за купување на фудбалскиот клуб Ливерпул од нејзиниот сегашен американски сопственик, „Fenway Sports Group“.
„Express“ цитира извори кои велат дека „Dubai International Capital“ е „водечкиот кандидат да дојде со понуда вредна 4,3 милијарди фунти [5 милијарди долари]“.
Изворите истакнаа дека на FSG минатата година им биле понудени 3 милијарди фунти од инвеститори од Блискиот Исток, но предлогот бил одбиен. Тие истакнаа дека раководството на FSG бара 4,5 милијарди фунти за купувањето.
Во понеделникот, FSG соопшти дека клубот е отворен за продажба и дека „поканува понуди“. „ FSG останува целосно посветена на успехот на Ливерпул, и на теренот и надвор од него“, се вели во соопштението на компанијата.
ФК Ливерпул е дом на еден од најдобрите и најплодните напаѓачи во светот, Египќанецот Мухаммед Салах.
